ވައްކަމުގެ ތުހުމަތުތަކަށް ރައީސް ނަޝީދު ވަރުގަދަ ރައްދެއް ދެއްވައިފި
21 އޯގަސްޓު 2020 | ހުކުރު 05:32ޔާމީންގެ ވެރިކަމުގައި މަޖިލީހަށް ވެއްދީ އެމްއެންޑީއެފް
މަޖިލީހުގައި ބޭއްވި ނޫސްވެރިންގެ ބައްދަލުވުމެއްގެ ތެރެއިން، މަޖިލީހުގެ ރައީސް، ރައީސް މުހައްމަދު ނަޝީދު ވާހަކަދައްކަވަނީ
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ސަރުކާރަށް އިދިކޮޅު ފަރާތްތަކުން ވައްކަމުގެ ތުހުމަތު ކުރާތީ އެ ތުހުމަތުތަކަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވަރަށް ވަރުގަދަ ރައްދެއް ދެއްވައިފިއެވެ.
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ މެޖޯރިޓީ އޮތް ރައްޔިތުންގެ މަޖިލީހެއްކަން ފާހަގަކުރައްވައި ރައީސް ނަޝީދު ވިދާޅުވީ ސަރުކާރުން މަސައްކަތްތައް ކުރުމަށް މަޖިލީހަށް ޖާގަދޭ ކަމަށެވެ. އަދި އިސްލާހު ކުރުމަށް ކުރަންޖެހޭ މަސައްކަތްތައް ކުރަމުންދާކަން ރައްޔިތުންނަށް އެނގޭނެ ކަމަށް ރައީސް ނަޝީދު ވިދާޅުވިއެވެ.
ނަމަވެސް ކުރީގެ ރައީސް އަބްދުﷲ ޔާމީންގެ ވެރިކަމުގައި މަޖިލީހަށް ވެއްދީ އެމްއެންޑީއެފް ކަމަށް ރައީސް ނަޝީދު ވިދާޅުވިއެވެ.
ވައްކަމުގެ ތުހުމަތުތަކަށް ރައީސް ނަޝީދު ރައްދު ދެއްވާފައިވާއިރު، ކޮވިޑް-19އާ ގުޅިގެން ސަރުކާރުން ކުރި މަސައްކަތުގެ ތެރެއިން ހެލްތު މިނިސްޓްރީ އާއި ޓޫރިޒަމް މިނިސްޓްރީއާ ބޮޑެތި ކޮރަޕްޝަންތަކެއް ހިންގާފައިވާ ކަން އޮޑިޓް ރިޕޯޓުގައި ވަނީ ފާހަގަކޮށްފައެވެ.
އެގޮތުން ވެންޓިލޭޓަރުތަކެއް ހޯދަން ކުރި މަސައްކަތުގެ ތެރެއިން ހެލްތް މިނިސްޓްރީގެ ބިޑް ކޮމެޓީން ބޮޑެތި އޮޅުވާލުންތަކެއް ހިންގާފައި ކަމަށް އޮޑިޓަރ ޖެނެރަލް ހަސަން ޒިޔަތު ވިދާޅުވެފައިވެއެވެ. މިމައްސަލަތަކާ ގުޅިގެން ބިޑް ކޮމެޓީގައި ތިއްބަވާ މެމްބަރުންނަށް ވަނީ ގޭގައި މަޑު ކުރުމަށް ރައީސުލްޖުމްހޫރިއްޔާގެ އޮފީހުން އަންގާފައެވެ. އަދި ހެލްތް މިނިސްޓްރު އަބްދުﷲ އަމީން ވަނީ އަމިއްލަފުޅަށް މަޤާމުން އެކަހެރިވެވަޑައިގެންފައެވެ.
މި ޚިޔާނާތުގެ މައްސަލަ ފުލުހުންނާއި އެންޓި ކޮރަޕްޝަން ކޮމިޝަނާއި ރައްޔިތުންގެ މަޖިލީހުގެ މާލިއްޔަތު ކޮމިޓީން މިހާރު އަންނަނީ ބަލަމުންނެވެ.
