ކޮވިޑަށް ޕޮޒިޓިވްވެ، ރ. އަތޮޅުގެ ކުރީގެ މެމްބަރަށް ވެންޓިލޭޓަރގައި ފަރުވާ ދޭން ފަށައިފި!
ކޮވިޑަށް ޕޮޒިޓިވްވީ މި އޯގަސްޓް މަހުގެ 14ގައި
ރ. އަތޮޅުގެ ކުރީގެ މެމްބަރ އިސްމާއިލް ޒަކަރިއްޔާ
ރައްޔިތުންގެ މަޖިލީހުގެ ރ. އަތޮޅުގެ ކުރީގެ މެމްބަރު އިސްމާއިލް ޒަކަރިއްޔާ ކޮވިޑް-19 އަށް ޕޮޒިޓިވްވެ، އައިސީޔޫގައި ފަރުވާދޭން ފަށައިފިއެވެ.
ރާއްޖެއެމްވީއަށް މައުލޫމާތު ދެއްވަމުން، އިސްމާއިލް ޒަކަރިއްޔާގެ ދަރިފުޅު އަދި އެމްއެންޑީއެފްގެ އިންފޮމޭޝަންސް އޮފިސަރ މޭޖަރ އިބްރާހިމް އާޒިމް ވިދާޅުވީ، ކޮވިޑަށް ޕޮޒިޓިވްވީ އާއިލާގެ މީހެއްގެ ޑައިރެކްޓް ކޮންޓެކްޓަކަށްވެ ނެގި ނަތީޖާ ޕޮޒިޓިވްވެގެން މި މަހުގެ 14 ވަނަ ދުވަހު ކަމަށާއި އެންމެ ފުރަތަމަ ފަރުވާ ދެމުން ގެންދިޔައީ ހުޅުމާލެ ކޮވިޑް ފެސިލިޓީގައި ކަމަށެވެ.
އިސްމާއިލް ޒަކަރިއްޔާއަށް މިހާރު ފަރުވާ ދެމުންދަނީ ޑީއެޗް11 ގައި ވެންޓިލޭޓަރގައި ކަމަށް އާޒިމް ވިދާޅުވިއެވެ. އަދި ހާލުކޮޅު ސްޓޭބަލް ކަމަށެވެ. މައުލޫމާތު ލިބިފައިވާ ގޮތުގައި އެ އާއިލާއިން އިތުރު ބަޔަކު ވެސް ވަނީ ކޮވިޑަށް ޕޮޒިޓިވްވެފައެވެ.
އިސްމާއިލް ޒަކަރިއްޔާ މަޖިލީސް މެންބަރުކަން ކުރެއްވީ 1970ގެ އަހަރުތަކުގައެވެ. އަދި އެންމެ ފަހުން މަސައްކަތް ކުރެއްވީ ޔޫތް މިނިސްޓްރީގައެވެ.
