ބައިބައިކުރަން ފުރުސަތެއް ނުދޭނަން، ހިޔާލު ތަފާތުވުން ހުރި ނަމަވެސް ނިކުންނާނީ އެތިގަނޑެއްގެ ގޮތުގައި: އާޒިމް
17 އޯގަސްޓު 2020 | ހޯމަ 07:58އެމްޑިޕީ ބައިބައި ކުރަން ފުރުސަތެއް ނުދޭނަން
އެމްޑީޕީގެ ޕާލިމެންޓްރީ ގްރޫޕްގެ ލީޑަރ އަލީ އާޒިމް
އެމްޑީޕީގެ އަކި ހިޔާލުތަފާވުންތަކެއް އުފެދުނު ނަމަވެސް ނިކުންނާނީ އެކަތި ގަނޑެއްގެ ގޮތުގައި ކަމަށް އެމްޑީޕީގެ ޕާލިމެންޓްރީ ގްރޫޕްގެ ލީޑަރ އަލީ އާޒިމް ވިދާޅުވެއްޖެއެވެ.
ރާއްޖެޓީވީގެ ފަށާއިރު ޕްރޮގުރާމްގައި ވާހަކަ ދައްކަވަމުން، މެމްބަރު އަލީ އާޒިމް ވިދާޅުވީ އެމްޑިޕީގެ ތެރެއިން ބައެއް ފަރާތްތައް އެހެން ޕަވަރ ބޭސްއެއް އުފެއްދުމަށް މަސައްކަތް ކުރަމުންދާކަމަށެވެ. އަދި އެމްޑިޕީ ބައިބައި ކުރުމުގެ ވިސްނުމާއި އެމްޑީޕީ ތެރޭގައި އޮތް އެއްބައިވަންތަކަށް ނަގާލަން މަސައްކަތް ކުރާ ބަޔަކު އެބަހުރިކަމަށެވެ.
ވަކި އުސޫލުތަކާއި ހަމަތަކެއް އެމްޑީޕީ ތެރޭގައި އޮންނައިރު ތަކުރާރުކޮށް އެއް ވަޒީރަކު ޕާލިމަންޓްރީ ގްރޫޕްގެ ވަކި މެމްބަރަކަށް ގުޅާ ވަކި ގޮތަކަށް އިރުޝާދު ދީ ނުފޫޒުފޯރުވުމަށް މަސައްކަތް ކުރާކަމުގައިވާނަމަ އެއީ އެމްޑީޕީ ބައިބައިކުރަން އުޅުންކަމަށް އާޒިމް ފާހަގުކުރެއްވިއެވެ. އަދި، އެމްޑީޕީން މިއަދު އެވާހަކަތައް ދައްކަނީ އެ ފުރުސަތު ނުދޭންކަމަށާއި އެއް ވަޒީރަކު ނުކުމެ އެމްޑީޕީ ތެރެ ބައިބައިކޮށްލަން މަސައްކަތް ކުރަމުންދާކަމަށް އާޒިމް ތަކުރާރުކޮށް ވިދާޅުވި އެވެ. ނަމަވެސް އެއީ ކޮން މިނިސްޓަރެއްކަމެއް އާޒިމް ވިދާޅެއްނުވެއެވެ.
އިކޮނޮމިކް މިނިސްޓަރ ފައްޔާޒް އިސްމާއިލްގެ އިތުބާރު ނެތްކަމުގެ ވޯޓް ނެގުމަށް މަސައްކަތް ކުރަމުންދާ ކަމަށް ވާހަކަ ދެކެވޭ ދަނޑިވަޅެއްގައި މެމްބަރު އަލީ އާޒިމް ވިދާޅުވީ، 30ށް ވުރެ މަދުނޫން މެމްބަރުންގެ ސޮޔާއި އެކު ޕާލިމެންޓްރީ ގްރޫޕްގެ ލީޑަރަށް މައްސަލައެއް ހުށަހެޅީމައި އޭގައި ބަލަންޖެހޭ ކަންތައްތަކެއް ހުންނާނެކަމަށެވެ.
އާޒިމް ވަނީ މިހާރު މިއޮތީ އެމްޑީޕީގެ ސަރުކާރެއް ނޫންކަމަށާއި ކޯލިޝަން ސަރުކާރެއް ކަމަށް ތަކުރާރުކޮށް ފާހަގަކުރައްވާފައެވެ. އޭނާ ވަނީ ސަރުކާރުން ވެރިކަމަށް އައިރު ވެފައިހުރި ވައުދުތައް ސަރުކާރެއް ހިންގަން ތިބި ބަޔަކަށް ނުވާ ކަމުގައިވާނަމަ ތާއީދުކޮށްގެން ތިބޭނީ ކިހިނެއްތޯ ވިދާޅުވެ ސުވާލު އުފައްދަވާފައެވެ. އަދި އެމްޑީޕީ ސަރުކާރެއްނަމަ ކަންކަން ހިނގާނީ ޕާޓީއާއި މަޝްވަރާކޮށްގެން ކަމަށާއި އެކަން ހިނގަމުންދަނީ މުޅިން އެޔާއި ހިލާފަށް ކަމަށެވެ.
