ޒުވާނަކު މަރާލި މައްސަލަ ކުށްވެރިކުރަން، ހަމަނުޖެހުމަށް ފުރުސަތު ނުދޭނަން: މުއާޒު
23 އެޕްރީލު 2017 | އާދީއްތަ 11:47މުއާޒް ވަނީ ސަރުކާރުން ކުށް މަދުކުރުމަށް ކުރާ މަސައްކަތް ހުއްޓާނުލާނެ ކަމަށް ބުނެފައި
ޔާމީނު ރަޝީދުގެ ހަށިގަނޑު އެކްސްރޭ ނެގުމަށް ގެންދަނީ
ޒުވާނުން ކުށުގެ ވެށިން ދުރުކޮށް އަމާން މުޖުތަމައެއް ގާއިމް ކުރުމަށް މި ސަރުކާރުން ކުރަމުންދާ މަސައްކަތް ހުއްޓާ ނުލާނެ ކަމަށް ރައީސް އޮފީހުގެ ތަރުޖަމާނު އިބްރާހިމް މުއާޒް އަލީ ވިދާޅުވެއްޖެ އެވެ.
މުއާޒް މިފަދަ ގޮތަކަށް ޓްވީޓް ކޮށްފައިވަނީ، ރޭ ދަންވަރު 03:45 ހާއިރު ތޫނު އެއްޗަކުން ހަމަލާދީގެން މަރާލާފައިވާ ސޯޝަލް މީޑިޔާގެ އެކްޓިވިސްޓެއް ކަމުގައިވާ ޔާމީން ރަޝީދުގެ މައްސަލަ ފެންމަތިވެފައިވަނިކޮށެވެ.
މުއާޒު ކުރައްވާފައިވާ ޓްވީޓްގައި ވަނީ ޒުވާނަކަށް ދެވުނު ރަހުމު ކުޑަ ލާއިންސާނީ ހަމަލާ އެންމެ ހަރުކަށި އިބާރާތުން ކުއްވެރިކުރާކަމަށެވެ. އަދި ގައުމު ހަލަބޮލި ކުރުމަށް ޖާގަ ނުދޭނެ ކަމަށް އޭނާގެ ޓްވީޓުގައި ބުނެފައިވެ އެވެ.
އުމުރުން 29 އަހަރުގެ ޔާމީނު މަރާލާފައިވަނީ އޭނާ މަސައްކަތްކުރާ މޯލްޑިވްސް ސްޓޮކް އެކްސްޗޭންޖުގައި ދަންވަރު ވަންދެން މަސައްކަތް ކުރުމަށް ފަހު، ގެޔަށް ދިއުމުންނެވެ. ފުލުހުންނަށް އޭނާގެ މައްސަލަ ރިޕޯޓްކޮށްފައިވަނީ ދަންވަރު 02:45 ހާއިރު އެވެ. ފުލުހުންނަށް އޭނާ ފެނިފައިވަނީ އޭނާ ދިރިއުޅޭ ގޭގޭ ސިޑިގޮޅީގައި އޮއްވަ އެވެ.
