އިންޑިއާގެ ކުރީގެ ރައީސް ޕްރިނާބް މުކަރުޖީ ކޮވިޑް-19ށް ޕޮޒިޓިވްވެއްޖެ އެވެ.

ހޯމަ ދުވަހު ޕްރިނާބް މުކަރުޖީ ކުރެއްވި ޓްވީޓެއްގައި އެމަނިކުފާނު ވިދާޅުވީ ހޮސްޕިޓަލަށް ދިޔަ ދިޔުމެއްގައި ކޮވިޑް-19 އަށް އެމަނިކުފާނު ޓެސްޓު ކުރި ކަމަށެވެ. އަދި ޓެސްޓުގެ ނަތީޖާ ދައްކާ ގޮތުން އެމަނިކުފާނު ކޮވިޑަށް ޕޮޒިޓިވްވެފައިވާ ކަމަށެވެ.

އިންޑިއާ އަކީ ރެކޯޑް އަދަދަކަށް ކޮވިޑް-19ށް މީހުން ޕޮޒިޓިވްވަމުން އަންނަ ގައުމެކެވެ. އެގޮތުން މިދިޔަ ހަތަރު ދުވަހު އެގައުމުން ވަނީ 60،000 އަށް ވުރެ ގިނަ މީހުން ކޮންމެ ދުވަހަކު ކޮވިޑަށް ޕޮޒިޓިވްވެފައެވެ. އަދި ރިޕޯޓްތައް ދައްކާ ގޮތުން އެގައުމުގެ 10 ސްޓޭޓެއްގެ 80 އިންސައްތަ މީހުން މިހާރު ވަނީ މި ބައްޔަށް ޕޮޒިޓިވްވެފައެވެ.

އިންޑިއާ އަކީ އެމެރިކާ އަދި ބްރެޒިލްއަށް ފަހު މި ބައްޔަށް އެންމެ ގިނަ މީހުން ކޮންމެ ދުވަހަކު ޕޮޒިޓިވްވާކަމަށް ރިކޯޑްކުރާ ގައުމުވެސްމެއެވެ.