ސީއެންއެން، އެޗްބީއޯ ފަދަ ޗެނަލްތަކުގެ ރާއްޖޭގެ އޮތޮރައިޒް ޑީލަރ އަކީ މީޑިއާނެޓް، ހުއްދަނެތި ބޭނުން ނުކުރުމަށް އެދިއްޖެ
އެއީ ވާރނަރ މީޑިއާ އެލްއެލްސީގެ ޗެނަލްތަކެއް
މީޑިއާނެޓް
ވާރނަރ މީޑިއާ އެލްއެލްސީގެ ބައެއް ޗެނަލްތަކާއި، ޓްރޭޑްމާރްކްތަކުގެ ރާއްޖޭގެ އޮތޮރައިޒް ޑީލަރ އަކީ މީޑިއާނެޓްކަމަށް އެ ކުންފުނިން ބުނެފިއެވެ.
މި ޗެނަލްތަކަށް ހުއްދަ ނެގުމަކާއި ނުލައި ސަބްސްކްރައިބް ކުރަމުންދާކަން ފާހަގަކޮށް ވާރނަރ މީޑިއާއިން ނެރުނު އިއުލާނެއްގައި ބުނީ، އޮޅުވާލައިގެން ބައެއް ފަރާތްތަކުން އެ ޗެނަލްތަކުގެ ސަބްސްކްރިޕްޝަން ދޫކުރަމުންދާ ކަމަށެވެ. އެހެން ނަމަވެސް އެފަދަ ސަބްސްކްރިޕްޝަން ބޭނުން ނުކުރުމަށް އާންމުންގެ ކިބައިން އެ ކުންފުނިން ވަނީ އެދިފައެވެ.
ކުންފުނިން ބުނީ، އެލްއެލްސީގެ ބައެއް ޗެނަލްތައް ކަމަށްވާ ސީއެންއެން، އެޗްބީއޯ ފަދަ ޗެނަލްތައް ބްރޮޑްކާސްޓް ކުރުމާއި، ޓްރޭޑްމަރކް ބޭނުން ކުރުމަށް ރާއްޖޭގެ އޮތޮރައިޒް ޑީލަރ އަކީ މީޑިއާނެޓްކަމަށެވެ.
އޭގެ އިތުރުންވެސް އެ ލިސްޓުގައި ހިމެނޭ ބައެއް ޗެނަލް ތަކުގެ ތެރޭގައި ކާރޓޫން ނެޓްވާރކް، އެޗްބީއޯ އެޗްޑީ، ވާރނަރ ބްރޯސް އެންޓަރޓެއިންމަންޓް އިންކް ހިމެނެއެވެ.
އިތުރު މައުލޫމާތު ހޯދުމަށް މީޑިއާނެޓްގެ ނަންބަރު 3200900ށް ގުޅުއްވުމަށް ވަނީ އެދިފައެވެ
