ގުދުރަތީ ކުލަޖެހިފައިވާ އެންމެ ބޮޑު ޑައިމަންޑް ރަޝިޔާއިން ހޯދައިފި

ގުދުރަތީ ކުލަޖެހިފައިވާ އެންމެ ބޮޑު ޑައިމަންޑް ރަޝިޔާއިން ހޯދައިފިއެވެ.

ބޭރުގެ މީޑިއާތަކުގައި ރިޕޯޓު ކޮށްފައިވާ ގޮތުގައި ދުނިޔޭގެ އެންމެ ފުޅާ ދާއިރާއެއްގައި ޑައިމެންޑް އުފައްދާ އެއް ކުންފުނި ކަމުގައިވާ އަލްރޯސާއިން ވަނީ ރަޝިޔާގެ ޔަކުޓިއަ ރީޖަންގައި ހުންނަ އެބޭލިޔަކަށް މައިން އިން 236 ކެރެޓް ޑައިމެންޑް ހޯދާފައިވާ ކަމަށެވެ. މިޑައިމެންޑްއަކީ އެހެން ޑައިމެންޑްތަކާ ހިލާފަށް މަޑު އޮރެންޖް އަދި މަޑު މުށި ކުލައަށް އޭގައި އެކުލެވިގެންވާ ޑައިމެންޑެވެ.

ބެލެވޭ ގޮތުގައި މިޑައިމެންޑްއަކީ ގާތްގަނޑަކަށް 120 އަހަރާއި 230 އަހަރާ ދެމެދުގެ އަހަރު ވެފައިވާ ޑައިމެންޑްއެކެވެ.

އަލްރޯސާ ޑައިމެންޑްގެ އިސްވެރިއަކު ކަމުގައިވާ ޕަވެލް ވިނިކިން ބުނީ ގުދުރަތީ މިފަދަ ރީތި ކުލައެއް ލިބިފައިވާ މިހާ ބޮޑު ޑައިމެންޑެއް ފެނުން މިއީ ވަރަށް މަދުން ނޫނީ ނުވާނެ ކަމެއް ކަަމަށެވެ.

މީގެކުރިންވެސް މި އެބެލްޔަކް އިން ގުދުރަތީ ކުލަ ޖެހިފައިވާ ޑައިމެންޑް ފެނިފައިއެވެ. އެގޮތުން 2017 ވަނަ އަހަރު ވަނީ ރީދޫ، ފިޔާތޮށި އަދި ދަބު-ފިޔާތޮށި ކުލަތައް ހުރި ތިން ޑައިމެންޑް ފެނިފައެވެ.