އިންޑޯމިލްކް ލަކީ ސްޓިކަރ ޕްރޮމޯޝަން: ކޮންމެ ހަފްތާއަކު 1000 ރުފިޔާ ހޯދުމުގެ ފުރުސަތު
8 އޯގަސްޓު 2020 | ހޮނިހިރު 07:57ޕްރޮމޯޝަން ކުރިއަށްދާނީ އަންނަ އަހަރުގެ ޖެނުއަރީގެ ނިޔަލަށް
އިންޑޯމިލްކް ބްރޭންޑްގެ ޕެކެޓުތައް
އިންޑޯމިލްކް ލަކީ ސްޓިކަރ ޕްރޮމޯޝަން އެމްޔޫ ސްޓޯރުން ފަށައިފިއެވެ.
އެމްޔޫ ސްޓޯރުން މި ޕްރޮމޯޝަން ފަށާފައިވަނީ އެ ސްޓޯރުގެ ފަރާތުން ރާއްޖެއަށް އިންޑޯމިލްކް މި ޕްރޮޑަކްޓް އިމްޕޯޓު ކުރާތާ 20 އަހަރު ފުރުމާއި ގުޅިގެންނެވެ.
މި ޕްރޮމޯޝަން މި މަހު ފަށާފައިވާއިރު ޕްރޮމޯޝަން ކުރިއަށްދާނީ އަންނަ އަހަރުގެ ޖެނުއަރީ މަހުގެ ނިޔަލަށެވެ.
ރާއްޖެއެމްވީއަށް މައުލޫމާތު ދެއްވަމުން އެމްޔޫ ސްޓޯރުގެ މާކެޓިންގ މެނޭޖަރު އަލީ ޝިޔާމް ވިދާޅުވީ ޕްރޮމޯޝަންގައި ކޮންމެ ފަރާތަކަށް ވެސް ބައިވެރިވެވޭނެ ކަަމަށެވެ. އެގޮތުން އެމްޔޫ ސްޓޯރުން ވިއްކަމުންދާ އިންޑޯމިލްކް ޕެކެޓުތަކުގެ ފުލުގައި "ލަކީ ސްޓިކަރ" އެއް ހަރުކުރެވިފައިވާ ކަމަށެވެ. އެގޮތުން މި ސްޓިކަރ ހުންނަ ޕެކެޓް ހިފައިގެން އެ ސްޓޯރަަށް ދިޔުމުން ވަގުތުން 1000 ރުފިޔާ ލިބިގެންދާނެ ކަމަށެވެ. ކޮންމެ ހަފްތާއަކު ވެސް ނަސީބުވެރި ހަތަރު ފަރާތަކަށް މި ފައިސާގެ އިނާމު ލިބޭނެ ކަމަށް އޭނާ ވިދާޅުވިއެވެ.
ޕްރޮމޯޝަންގައި އިންޑޯމިލްގެ ހުރިހާ ސައިޒެއް އަދި ފްލޭވަރއެއްގެ ޕެކެޓުތައް ހިމެނިގެންދާނެ ކަމަށް އެމްޔޫ ސްޓޯރުން ބުންޏެވެ.
އިންޑޯމިލްކް އެއްލީޓަރުގެ ޕެކެޓުގެ ކޭހެއް 200ރ އަށް ވިއްކަމުން އަންނައިރު 190 މިލިލީޓަރުގެ ކޭހެއް އުޅެނީ 145 ރުފިޔާއަށެވެ. އަދި 115 މިލިލީޓަރުގެ ކޭހެއް ކޭހެއްގެ އަގު އުޅެނީ 135 ރުފިޔާއަށެވެ.
އެމްޔޫ ސްޓޯރުން މި ޕްރޮމޯޝަން ކުރިއަށް ގެންދަނީ އިންޑޮނޭޝިއާގެ މަޝްހޫރު ކުންފުންޏެއް ކަމަށްވާ އިންޑޯ ފުޑްސްއާ ގުޅިގެންނެވެ.
