ކެރަލާގަ ފްލައިޓު ވެއްޓުނު ހާދިސާގައި މަރުވި މީހުންގެ އާއިލާތަކަށް ރައީސް ސޯލިހުގެ ތައުޒިޔާ
ބޯޓު ޖައްސަން އުޅުނީ ގަދަޔަށް ވާރޭވެހެނިކޮށް
ރައިސުލްޖުމްހޫރިއްޔާ އިބްރާހިމް މުހައްމަދު ސޯލިހު
ދުބާއީން ފުރައިގެން ކަލިކަޓަށް ދަތުރު ކުރަމުންދިޔަ އެއަރ އިންޑިއާގެ މަތިންދާބޯޓެއް ރަންވޭއަށް ޖައްސަން އުޅުމުގެ ތެރޭގައި ވެއްޓުނު ހާދިސާގައި މަރުވި މީހުންގެ އާއިލާތަކަށް ރައިސުލްޖުމްހޫރިއްޔާ އިބްރާހިމް މުހައްމަދު ސޯލިހު ތައުޒިޔާ ފޮނުއްވައިފިއެވެ.
ހޮނިހިރު ދުވަހު އެމަނިކުފާނު ކުރެއްވި ޓުވީޓެއްގައި ވަނީ މި ހާދިސާގައި އަސަރު ކޮށްފައިވާ މީހުންގެ އާއިލާތަކަށް ތައުޒިޔާ ފޮނުއްވާފައެވެ.
ބޭރުގެ މީޑިއާތަކުން ރިޕޯޓު ކޮށްފައިވާ ގޮތުގައި މަތިންދާ ބޯޓު ވެއްޓި، 17 މީހުން މަރުވެފައިވާއިރު، އޭގެތެރޭގައި އެ ބޯޓުގެ ޕައިލެޓުން ވެސް ހިމެނެއެވެ. އަދި ބޯޓު ޖައްސަން މަސައްކަތް ކޮށްފައިވަނީ ގަދައަށް ވާރޭވެހެނިކޮށް ކަމަށާއި ބޯޓު ވެއްޓުމާއެކު ކައްސާލައިގެން ކައިރިމަގާ ހިސާބަށް ދިޔަކަމަށް ބޭރުގެ މީޑިއާތަކުން ވަނީ ރިޕޯޓުކޮށްފައެވެ. މި ހާދިސާގައި 100ށް ވުރެ ގިނަ މީހުން ޒަހަމްވެފައިވާކަން ވެސް ފާހަގަކޮށްލެވެއެވެ.
