ހައްޖުގެ އަޅުކަން ނިންމާލައިފި
2 އޯގަސްޓު 2020 | އާދީއްތަ 19:31ހުރިހާ އިރެއްގައިވެސް ހައްޖުވެރިންނަށް މާސްކް އެޅުން މަޖުބޫރު ވެސް ކުރެވުނު
މިއަހަރުގެ ހައްޖުގެ އަޅުކަން އަދާކޮށްފައިވަނީ އެންމެ 10،000 މުސްލިމުން
ކޮވިޑް-19ން ރައްކާތެރިވުމަށް އަޅާފައިވާ ވަރުގަދަ ފިވަޅުތަކާއެކު ކުރެވުނު ހައްޖުގެ އަޅުކަން ނިންމާލައިފިއެވެ.
މީގެ ކުރިން ކޮންމެ އަހަރަކު ހައްޖުގެ އަޅުކަން އަދާކުރުމަށް 2.5 މިލިއަން މުސްލިމުން ދިޔަ ނަމަވެސް، މިއަހަރުގެ ހައްޖުގެ އަޅުކަން އަދާކޮށްފައިވަނީ އެންމެ 10،000 މުސްލިމުންނެވެ.
ހައްޖުގެ އެންމެ މުހިއްމު ހަރަކާތް ކަމަށްވާ ޖަމްރާއަށް ހިލައުކުން ކުރިއަށް ގެންގޮސްފައިވަނީ ކޮވިޑާއި ގުޅިގެން އަޅަންޖެހޭ ރައްކާތެރިކަމުގެ ފިޔަވަޅުތަކާއި އެކުއެވެ. އެގޮތުން ހިލަ އުކުމަށްޓަކައި އަމިއްލަ ހިލަ އެއްކުރުމުގެ ބަދަލުގައި މިފަހަރު ކޮންމެ ހައްޖުވެރިއަކަށް ސްޓެރެލައިޒް ކޮށްފައިވާ ހިލަތަކެއް ދެވުނެވެ.
ހައްޖުގެ ތެރޭގައި ކޮވިޑް ރޯގާ ފެތުރުނަ ނުދިނުމަށް ކުރަންޖެހޭ ކޮންމެ މަސައްކަތެއް ކުރާނެ ކަމަށް ސައުދީ ސަރުކާރުން ބުނެފައިވާއިރު ހައްޖުގެ އަޅުކަން ފަށާފައިވަނީ ކޮންމެ މީހަކުވެސް ހަތަރު ދުވަހު ކަރަންޓީނު ކުރުމަށްފަހުއެވެ. އަދި ހުރިހާ އިރެއްގައިވެސް ހައްޖުވެރިންނަށް މާސްކް އެޅުން މަޖުބޫރު ވެސް ކުރެވުނެވެ.
