އަތޮޅު ތެރޭގެ 398 އޯޑަރަކަށް ޖުލައި މަހު ކާޑުގެ ބާވަތްތައް ސަޕްލައިކޮށްދިން: އެސްޓީއޯ
އަތޮޅު ތެރެއަށް ސަޕްލައިކުރި ކާޑުގެ ބާވަތްތަކުގެ ތެރޭގައި 11،559 ހަނޑޫ ބަސްތާ ހިމެނޭ
އެސްޓީއޯއިން އަތޮޅު ތެރެއަށް ކާޑުގެ ބާވަތްތައް ސަޕްލައި ކޮށްދިނުމަށް ތައްޔާރުވަނީ
ސްޓޭޓް ޓްރޭޑިންގ އޮގަނައިޒޭޝަން (އެސްޓީއޯ) އިން މިދިޔަ ޖުލައި މަހު އަތޮޅުތެރޭގެ 398 އޯޑަރަކަށް ކާޑުގެ ބާވަތްތައް ފޯރު ކޮށްދީފައިވާކަމަށް އެ ކުންފުނިން ބުނެފިއެވެ.
އެސްޓީއޯއިން ހޮނިހިރު ދުވަހު ކުރި ޓްވީޓެއްގައި ބުނީ، ޖުލައި މަހު އަތޮޅު ތެރޭގެ 398 އޯޑަރަކަށް ކާޑުގެ ބާވަތްތައް ފޯރުކޮށްދީފައިވާ ކަމަށާއި، އަތޮޅު ތެރެއަށް ސަޕްލައިކުރި ކާޑުގެ ބާވަތްތަކުގެ ތެރޭގައި 11،559 ހަނޑޫ ބަސްތާ، 3543 ހަކުރު ބަސްތާ އަދި 13،022 ފުށް ބަސްތާ ހިމެނޭ ކަމަށެވެ.
އޭގެ އިތުރުން، މާލެ ސަރަޙައްދުން ސަޕްލައި ކޮށްދީފައިވާ ކާޑުގެ ބާވަތްތަކުގެ ތެރޭގައި 21،542 ހަނޑޫ ބަސްތާ، 4574 ހަކުރު ބަސްތާ އަދި 14،007 ފުށް ބަސްތާ ހިމެނޭކަމަށް އެސްޓީއޯއިން ބުނެއެވެ. އެގޮތުން މާލެ ސަރަޙައްދުން ޖުމުލަ 2034 އޯޑަރަކަށް ކާޑުގެ ބާވަތްތައް ވަނީ ސަޕްލައި ކޮށްދީފައެވެ.
ކޮވިޑް-19 އާ ގުޅިގެން މާލޭ ސަރަޙައްދު ލޮކްޑައުން ކޮށްފައި އޮތް އިރުވެސް އެސްޓީއޯއިން ވަނީ އަތޮޅު ތެރެއަށް ކާޑުގެ ބާވަތްތައް މެދުކެނޑުމެއްނެތި ފޯރުކޮށްދީފައެވެ.
