އަތޮޅުތެރޭގެ ވިޔަފާރިތަކުގެ ތެރެއިން ޓެކްސް ނުދައްކާ ފަރާތްތައް އާންމުކޮށްފި

މިދިޔަ އަހަރުގެ ތިންވަނަ ކުއާޓަރުގެ ޖީސްއެސްޓީ ބަޔާން ހުށަނާޅާ އަދި ޓެކްސް ނުދައްކާ ފަރާތްތަކުގެ ލިސްޓް މީރާ އިން އާންމުކޮށްފިއެވެ.

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އާންމުކޮށްފައިވާ މި ލިސްޓަކީ ޖީއެސްޓީ ނުދައްކާ ފަރާތްތަކުގެ ނަން ހާމަކުރުމުގެ އުސޫލުގެ ދަށުން މާލެ ސަރަހައްދު ފިޔަވައި އެހެނިހެން ސަރަހައްދުތަކުގައި ވިޔަފާރި ކުރާ ފަރާތްތަކެވެ. މި ލިސްޓްގައި ޓޫރިޒަމް ދާއިރާގައި ވިޔަފާރިކުރާ 19 ފަރާތަކާއި އެހެންނިހެން ވިޔަފާރީގެ ގޮތުގައި ހަރަކާތްތެރިވާ 109 ފަރާތެއްގެ ނަން ވަނީ އާންމުކޮށްފަ އެވެ.

ދިޔަ އަހަރުގެ ތިން ވަނަ ކުއާޓާގައި ޓެކްސް ނުދައްކާ ފަރާތްތަކުގެ ލިސްޓެއް މިދިޔަ ހަފްތާގައި ވެސް އާންމުކޮށްފައިވެއެވެ. އެ ލިސްޓުގައި ހިމެނެނީ މާލެ، ހުޅުމާލެ އަދި ވިލިނގިލިން ޓެކްސް ނުދައްކާ ފަރާތްތަކުގެ ނަންތަކެވެ. އޭގެ އިތުރުން ޓޫރިޒަމް ދާއިރާއި ން ޓެކްސް ނުދައްކާ ފަރާތްތަކުގެ ނަންތައް ވެސް ހިމެނެއެވެ.

މީރާ އިން އޭރު އާންމު ކުރި ލިސްޓްގައި ފެނަކައަށް ޑޮލަރު ދިނުމުގެ ނަމުގައި ހިންގި މުއާމަލާތްތަކުގައި ހިމެނޭ ޝަރޫ ލޯންޗު ސާރވިސް ވެސް ހިމެނެއެވެ.

ދައުލަތުގެ ޓެކްސް އިދާރާއިން ކޮންމެ ކުއާޓާއެއްގައި ވެސް ޓެކްސް ނުދައްކާ ފަރާތްތަކުގެ ނަންތައް ހާމަކުރެއެވެ.