ހާޓްއެޓޭކެއް ޖެހިގެން މުސްތަފާ އޮޕަރޭޝަނެއް ކޮށްފި
27 ޖުލައި 2020 | ހޯމަ 18:46ފަރުވާދޭން ފަށާފައިވަނީ އާދީއްތަ ދުވަހުގެެރޭ
ތިމަރުފުށީ ދާއިރާގެ ކުރީގެ މެމްބަރު މުހައްމަދު މުސްތަފާ
ހާޓްއެޓޭކެއް ޖެހިގެން ރައްޔިތުންގެ މަޖިލީހުގެ ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ އޮޕަރޭޝަނެއް ކޮށްފިއެވެ.
ހާޓްއެޓޭކެއް ޖެހިގެން މުސްތަފާ އައިޖީއެމްއެޗަށް ގެންދިޔައީ އާދިއްތަ ދުވަހުގެރޭގެ ވަގުތެއްގައެެވެ.
މުސްތަފާގެ ގާތް ފަރާތަކުން ރާއްޖެ.އެމްވީ އަށް މައުލޫމާތުދެމުން ބުނީ، ހޯމަ ދުވަހުގެރޭ މުސްތަފާ އޮޕަރޭޝަނެއް ކޮށްފައިވާ ކަމަށެވެ. އަދި މިހާރު އޭނާގެ ހާލު ރަނގަޅު ކަމަށްވެސް ރާއްޖެ.އެމްވީ އަށް މައުލޫމާތު ދިން ފަރާތުން ވަނީ ބުނެފައެވެ.
ހޮސްޕިޓަލުން ދޫކޮށްލާނީ ދެ ދުވަސް ފަހުން ކަމަށްވެސް މައުލޫމާތު ދިން މީހާ ބުންޏެވެ. އެކަމަކު އެއީ ކޮންކަހަލަ އޮޕަރޭޝަނެއް ކަމެއް އޭނާ ހާމައެއް ނުކުރެއެވެ. މިކަމާއި ގުޅޭ ގޮތުން އައިޖީއެމްއެޗުން ރަސްމީކޮށް އެއްވެސް މައުލޫމާތެއް ހާމަކޮށްފައެއް ނުވެއެވެ.
