ބޯޑަރު އަލުން ހުޅުވިފަހުން ފުރަތަމަ ފަހަރަށް ފަތުރުވެރިއަކު ކޮވިޑަށް ޕޮޒިޓިވްވެއްޖެ
އެމީހާ ހުރީ ކޮން ރިސޯޓެއްގައި ކަމެއް މިހާތަނަށް އެއްވެސް ފަރާތަކުން ކަށަވަރުކޮށްދީފައެއް ނުވޭ
ބޯޑަރު ހުޅުވި ދުވަހު ރާއްޖެ އައި ގަތުރުގެ ފަލްއިޓުން ފަތުރުވެރިން ފައިބަނީ
ރާއްޖޭގެ ބޯޑަރުތައް އަލުން ހުޅުވި ފުރަތަމަ ފަހަރަށް ފަތުރުވެރިއަކު ކޮވިޑް-19ށް ޕޮޒިޓިވްވެއްޖެއެވެ.
މައުލޫމާތު ލިބިފައިވާ ގޮތުގައި ރާއްޖެއަށް އައި ފަތުރުވެރިއަށް ކޮވިޑަށް ޕޮޒިޓިވްވެފައިވާކަން ހާމަވެފައިވަނީ ހޯމަ ދުވަހުއެވެ. އެގޮތުން އެ މީހާއަކީ އެމެރިކާއަށް ނިސްބަތްވާ މީހެއް ކަމަށާއި ބަލީގެ އެއްވެސް އަލާމާތެއް ނެތް މީހެއް ކަމަށް ވަނީ މައުލޫމާތު ލިބިފައެވެ. އެމީހާ މިހާރު ހުރީ ޝެވަލް ބްލޮންކްރަންދެލި ރިސޯޓުގައި ކަމަށް އެޗްޕީއޭ އިން މައުލޫމާތުދެއެވެ.
ރާއްޖެ އަންނަ ހުރިހާ ފަތުރުވެރިން ކޮވިޑް-19ށް ޓެސްޓް ކުރުމަށް ނިންމާފައި ނުވެއެވެ. ނަމަވެސް އަލާމާތް ފެންނަ މީހެއް ނަމަ ޓެސްޓް ހެދުމަށް ވަނީ ނިންމާފައެވެ. ވެލާނާ އިންޓަރނޭޝަނަލް އެއަރޕޯޓުން ބުނެފައިވަނީ ބޯޑަރު ހުޅުވާލުމާއެކު އަންނަ ފަތުރުވެރިންނަށް ހިދުމަތް ދިނުމަށް ފުރިހަމައަށް ތައްޔާރުވެފައިވާ ކަމަށެވެ.
ކޮވިޑް-19 ރާއްޖެއިން ފެނުމާ ގުޅިގެން މާރޗު މަހުގެ 27 ވަނަ ދުވަހު ބޯޑަރުތައް ބަންދުކޮށްފައި އޮތުމަށް ފަހު އަލުން ހުޅުވާލީ ޖުލައި މަހުގެ 15 ވަނަ ދުވަހުއެވެ.
