އެންމެ ފަހުން ބްރެޒިލްގެ ރައީސް ކޮވިޑަށް ނެގެޓިވް ވެއްޖެ
25 ޖުލައި 2020 | ހޮނިހިރު 16:47ބޮލްސޮންޔާރޯ ކޮވިޑަށް ޕޮޒިޓިވްވެފައިވާކަން ހާމަކޮށްފައިވަނީ ޖުލައި މަހުގެ 7 ވަނަ ދުވަހު
ބްރެޒިލްގެ ރައީސް ޖެއަރ ބޮލްސޮންޔާރޯ
ބްރެޒިލްގެ ރައީސް ޖެއަރ ބޮލްސޮންޔާރޯ ކޮވިިޑަށް ޕޮޒިޓިވްވިތާ ދެ ހަފްތާ ފަހުން ޓެސްޓު ކުރިއިރު، ނަތީޖާ ނެގެޓިވްވެފައިވާ ކަމަށް އޭނާ ވިދާޅުވެއްޖެއެވެ.
ބްރެޒިލްގެ ރައީސްގެ ކޮވިޑް ޓެސްޓް ނެގެޓިވް ވެގެން މިއައީ ބައްޔަށް ޕޮސިޓިވް ފަހުން އޭނާ ހެއްދެވި ދެވަނަ ޓެސްޓާ އެކުގައެވެ.
ބޮލްސޮންޔާރޯ ކޮވިޑަށް ޕޮޒިޓިވްވެފައިވާކަން އޭނާ އަމިއްލަފުޅަށް ހާމަ ކުރެއްވީ ޖުލައި މަހުގެ 7 ވަނަ ދުވަހުއެވެ.
ނަތީޖާ ހާމަކުރައްވާ އެމަނިކުފާނު ކުރެއްވި ޓުވީޓުގައި ވަނީ މެލޭރިއާ ބައްޔަށް ދޭ ފަރުވާގެ ގޮތުގައި ބޭނުންކުރާ ގުޅަ ބޭހެއް ކަމުގައިވާ ހައިޑްރޮކްސިކްލޮރޯކުއިން ކާޑަކާއި އެކު ނަންގަވާފައިވާ ފޮޓޯއެއް ހިއްސާ ކުރައްވާފައެވެ.
ބޮލްސޮނާރޯ ވަނީ ކޮވިޑް-19 އަކީ އާދައިގެ ރޯގާއެއްގެ ގޮތުގައި ސިފަކުރައްވާ، ތަކުރާރުކޮށް ވާހަކަފުޅު ދައްކަވާފައެވެ.
ރައީސް ބޮލްސޮނާރޯ ފާހަގަ ވެފައިވަނީ ލޮކްޑައުންއާ ދެކޮޅަށް ވަކާލާތު ކުރެއްވި ބޭފުޅެއްގެ ގޮތުގައެވެ. އޭނާ ވިދާޅުވެފައިވަނީ ލޮކްޑައުން އަކަށް ދިޔަ ނަމަވެސް ހާލަތު ރަނގަޅު ނުވާނެ ކަމުގައެވެ.
ބްރެޒިލްގައި ހަލުވިކަމާއެކު ކޮވިޑް ރޯގާ ފެތުރެމުން ދާއިރު، އެ ގައުމުގެ ގިނަ ރައްޔިތުންތަކެއް ވަނީ ބޮލްސޮނާރޯގެ ނިންމެވުންތަކަށް ފާޑު ކިޔާފައެވެ.
