އެމްޑީޕީ ގައުމީ މަޖިލީހުގެ ބައްދަލުވުމެއް މިރޭ!
ބައްދަލުވުން ފެށުމަށް ހަމަޖެހިފައިވަނީ މިރޭ 20:30 ގައި
އެމްޑީޕީ ގައުމީ މަޖިލީހުގެ ބައްދަލުވުން ކުރިއަށްދަނީ
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގައުމީ މަޖިލީހުގެ ބައްދަލުވުމެއް ބުރާސްފަތި ދުވަހުގެރޭ ބޭއްވުމަށް ހަމަޖެހިއްޖެއެވެ.
ބުރާސްފަތި ދުވަހުގެރޭ 20:30 ގައި ބާ ޖަމާލުއްދީން ގައި ބޭއްވުމަށް ހަމަޖެހިފއިވާ މި ބައްދަލުވުމުގައި ފަސް ކަމެއް ވަނީ އެޖެންޑާ ކޮށްފައެވެ.
އޭގެ ތެރޭގައި ރިޔާސަތުން ދޭ މައުލޫމާތާއި، ޕާލިމެންޓަރީ ގްރޫޕް އިން ދޭ މައުލޫމާތާ، ސިޔާސީ މަޝްރަހާ ގުޅޭ ގޮތުން ޕާޓީގެ ރައީސް މުހައްމަދު ނަޝީދު ވާހަކަފުޅު ދެއްކެވުން ހިމެނެއެވެ.
މީގެ އިތުރުން ދައުލަތުން އެމްޑީޕީ އަށް ލިބޭ ފައިސާ، ދާއިރާތަކަށް ބެހުމާއި ގުޅޭ ގޮތުން ގައުމީ މަޖިލީހުގެ 169 ވަނަ ބައްދަލުވުމުގައި ނެގި ފަސް މެމްބަރުންނާ ޕާޓީގެ ފައިނޭންސް ކޮމިޓީން އެކުލަވާލާފައިވާ ރިޕޯޓް ވެސް ވަނީ ބައްދަލުވުމުގައި އެޖެންޑާ ކޮށްފައެވެ.
އެމްޑީޕީން ވަނީ ދާދި ފަހުން ވެސް ގައުމީ މަޖިލީހުގެ ބައްދަލުވުމެއް ބާއްވާފައެވެ.
އެ ބައްދަލުވުމުގައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ، ކޮވިޑާ ހެދި ރާއްޖެ ވެއްޓިފައި މިއޮތް އަނދަވަޅުން އަރައި، ރައްޔިތުން ސަލާމަތުގެ އައްސޭރިއަށް އެމްޑީޕީން ގެންގޮސްދޭނެ ކަމަށެވެ. ނަޝީދު ވިދާޅުވީ، ކޮވިޑުގެ ބަލިމަޑުކަން ފެތުރެމުންދާއިރު ރައްޔިތުންގެ މައްޗަށް ވެރިކަން ކުރަން އެމްޑީޕީ ދެއްވިކަން، އެއީ އެންމެ ބޮޑު އެއް ނަސީބު ކަމަށެވެ.
