ރައްޔިތުންގެ މަޖިލީހުގެ ކައުންސިލަރ ޖެނެރަލް އައިސޮލޭޝަންގައި
22 ޖުލައި 2020 | ބުދަ 16:10އިޖުތިމާއީ ކޮމިޓީގެ ސެކްރެޓޭރިއެޓެއް ކޮވިޑް 19 އަށް ޕޮޒިޓިވްވީ މި ހަފްތާ ތެރޭގައި
ކައުންސިލަ ޖެނެރަލް ފާތިމަތު ފިލްޒާ
ކޮވިޑް-19ށް ރައްޔިތުންގެ މަޖިލީހުން ޕޮޒިޓިވްވެފައިވާ މުވައްޒަފާއި ކޮންޓެކްޓްވެފައިވާތީ މަޖިލީހުގެ ކައުންސިލަރ ޖެނެރަލް ފާތިމަތު ފިލްޒާ އައިސޮލޭޝަނަށް ދާން ޖެހިއްޖެއެވެ.
މަޖިލީހުގެ އިޖުތިމާއީ ކޮމިޓީގެ ސެކްރެޓޭރިއެޓެއް ކޮވިޑް 19ށް ޕޮޒިޓިވްވީ މި ހަފްތާ ތެރޭގައެވެ. އެ މުވައްޒަފާ ކޮންޓެކްޓްވެގެން އިޖުތިމާއީ ކޮމިޓީގެ މުގައްރިރު އަދި ކެނދިކުޅުދޫ ދާއިރާގެ މެމްބަރ އަހުމަދު އީސާ ވަނީ އައިސޮލޭޝަޓްވެފައެވެ.
ބުދަ ދުވަހުގެ ޖަލްސާގައި ވާހަކަ ދައްކަވަމުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ ކައުންސިލަރ ޖެނެރަލް އާއި އިޖުތިމާއީ ކޮމިޓީގެ މުގައްރިރު ހުންނެވީ އައިސޮލޭޝަންގައި ކަމަށެވެ. އަދި ކެނދިކުޅުދޫ ދާއިރާގެ މެމްބަރުގެ ޓެސްޓް ހެދުމުގެ މަސައްކަތް ކުރިއަށް ދާ ކަމަށް ރައީސް ނަޝީދު ވިދާޅުވި އެވެ.
މަޖިލީހުގެ އިދާރާގައި މަސައްކަތް ކުރަމުންދާ ދެ މުވައްޒަފަކު މީގެކުރިން ވަނީ ކޮވިޑް-19ށް ޕޮޒިޓިވް ވެފައެވެ.
