ސްޓެލްކޯގައި ޑިސްއިންފެކްޝަން ގޭޓެއް ބަހައްޓާ ބޭނުން ކުރަން ފަށައިފި
12 ޖުލައި 2020 | އާދީއްތަ 08:06ކަސްޓަމަރުންނާއި، މުވައްޒަފުންގެ ރައްކާތެރިކަމަށް އެޅި މުހިންމު ފިޔަވަޅެއް
ސްޓެލްކޯގެ މުވައްޒަފެއް އޮފީހަށް ވަންނަނީ،
ސްޓޭޓް އިލެކްޓްރިކް ކޮމްޕެނީ ލިމިޑެޓް (ސްޓެލްކޯ) ގެ ހެޑް އޮފީހުގައި ޑިސްއިންފެކްޝަން ގޭޓެއް ބަހައްޓާ ބޭނުން ކުރަން ފަށައިފިއެވެ.
ސްޓެލްކޯއިން ބުނީ ޑިސްއިންފެކްޝަން ގޭޓެއް ބަހައްޓާ ބޭނުންކުރަން ފެށުމަކީ ކޮވިޑާއި ގުޅިގެން އެކުންފުނީގެ މުވައްޒަފުންނާއި، ކަސްޓަމަރުންގެ ރައްކާތެރިކަމަށް އަޅަމުންގެންދާ ހަރުދަނާ ފިޔަވަޅުތަކުގެ ތެރެއަށް އިތުރުވާ ބޮޅެއް ކަމަށެވެ.
ސްޓެލްކޯ އިން ޑިސްއިންފެކްޝަން ގޭޓެއް ބަހައްޓާފައިވާއިރު ކޮވިޑް-19 އިން ރައްކާތެރިވުމަށް އެކުންފުނިން ދަނީ ގިނަ މަސައްކަތްތައް ކުރަމުންނެވެ.
އެގޮތުން ބިލްތައް ދެއްކުމުގެ އިތުރުން އެހެނިހެން ޚިދުމަތްތައް ހޯދުމުގައި އޮންލައިންކޮށް ޚިދުމަތްތައް ހޯދުމަށް ވެސް ސްޓެލްކޯއިން ބާރު އަޅައެވެ. މާލޭގެ ލޮކްޑައުންއާއި އެކު ސްޓެލްކޯގެ ކަސްޓަމަރުންނާއި، މުވައްޒަފުންގެ ސަލާމަތާއި ރައްކާތެރިކަމަށްޓަކައި، އޭޕްރީލް އަދި މެއިމަހުގެ ބިލް ހަދާފައިވަނީ އެ ކުންފުނީގެ ވެބް ޕޯޓަލް މެދުވެރިކޮށް ލިބެމުން ދިޔަ މީޓަރުގެ ފޮޓޯތަކަށެވެ.
