ލޮކްޑައުންއަށް ލުއިދިންފަހުން ރެކޯޑް އަދަދެއްގެ ޕޮޒިޓިވް ކޭސްތަކެއް، 64 ޕޮޒިޓިވް ކޭސް!
44 ދިވެހިން ވަނީ ޕޮޒިޓިވް ވެފައި
ކޮވިޑް-19 އަށް ސާމްޕަލް ނަގަނީ
ރާއްޖެއިން ކޮވިޑް-19 އިތުރު 64 މީހަކު ޕޮޒިޓިވް ވެއްޖެއެވެ.
ހުކުރު ދުވަހު ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓްގައި ވާގޮތުން އިތުރު 64 މީހަކު ޕޮޒިޓިވްވެފައިވާއިރު އޭގެތެރޭގައި 44 ދިވެހިންވެސް ހިމެނެއެވެ. އޭގެ އިތުރުން ބަންގްލަދޭޝްއަށް ނިސްބަތްވާ 17 މީހަކާއި އިންޑިއާގެ ދެ މީހެއް އަދި ނޭޕާލް މީހެއް ހިމެނެއެވެ.
އެކްޓިވް ކޭސް ގޮތުގައި 361 ކޭސް އެއް ރިޕޯޓް ކުރެވިފައިވާއިރު ބަލިން ރަނގަޅުވެފައިވާ މީހުންގެ ޖުމްލަ އަދަދު ވަނީ 2238ށް އަރާފައެވެ.
މިއީ ކޮވިޑް-19 އާ ގުޅިގެން ރާއްޖޭގައި އަޅާފައިވާ ފުރަބަންދުގެ ފިޔަވަޅުތަކަށް ބޮޑެތި ލުއިތަކެއް ދޭންފެށި ފަހުން ދުވާލެއްގެ މައްޗަށް މިހާގިނަ ޕޮޒިޓިވް ކޭސް ފެނުނު ފުރަތަމަ ދުވަހެވެ. އެޗްއީއޯސީން ހާމަކޮށްފައިވާ ގޮތުގައި މިހާރު ފެންނަމުންދާ ގިނަ ކޭސްތަކަކީ ސަރުކާރު އޮފީސްތަކުގެ މުވައްޒަފުން ޕޮޒިޓިވްވުމާއި ގުޅިގެން ފެންނަ ކޭސްތަކެކެވެ.
