ކަސްޓަމްސްއިން ހިފަހައްޓާފައިވާ ގިނަ އަދަދެއްގެ ބަނގުރާ ނައްތާލައިފި
26 ފެބުރުއަރީ 2017 | އާދީއްތަ 22:06ކަސްޓަމްސްގައި ހިފެހެއްޓިފައިހުރި 1107 ބަނގުރާ ފުޅިއާއި 180 ބިޔަރު ދަޅު ނައްތާލާފައިވޭ
ކަސްޓަމްސްއިން ހިފަހައްޓާފައިވާ ގިނަ އަދަދެއްގެ ބަނގުރާ ނައްތާލުން
ކަސްޓަމްސް އިން ހިފަހައްޓާފައިވާ ގިނަ އަދަދެއްގެ ބަނގުރާ ނައްތާލައިފިއެވެ.
މިތަކެތި ނައްތާލާފައިވަނީ ހުޅުމާލޭގައި އަލަށް ހިއްކި ސަރަހައްދުގައި ކަސްޓަމްސްގެ އިތުރުން، މޯލްޑިވްސް އެއާޕޯޓްސް ކޮމްޕެނީ ލިމިޓެޑް އަދި މިނިސްޓްރީ އޮފް ޑިފެންސް އެންޑް ނެޝަނަލް ސެކިއުރިޓީގެ އޮފިޝަލުންގެ ހާޒިރުގައި ކަމަށް ކަސްޓަމްސްއިމް ބުންޏެވެ.
ނައްތާލި ތަކެތީގެ ތެރޭގައި ހިމެނެނީ އެކިއެކި ސަބަބުތަކާހެދި ކަސްޓަމްސްގައި ހިފެހެއްޓިފައިހުރި 1107 ބަނގުރާ ފުޅިއާއި 180 ބިޔަރު ދަޅެވެ. މީގެ އިތުރުން މޯލްޑިވްސް އެއަރޕޯޓްސް ކޮމްޕެނީ ލިމިޓެޑްގެ ބޮންޑެޑް ވެއަރހައުސްއާއި ޑިއުޓީ ފްރީ ފިހާރަތަކުގައި ހުރި ތަކެތީގެ ތެރެއިން މުއްދަތު ހަމަވުމާއި އެކިގޮތްގޮތުން ހަލާކުވެފައިވާ ތަކެތީގެ ގޮތުގައި ކަނޑައެޅި 601 ބަނގުރާފުޅިވެސް ނައްތާލެވިފައިވާ ކަމަށް ކަސްޓަމްސްއިން ބުންޏެވެ
އެކިއެކި ސަބަބުތަކާހުރި ކަސްޓަމްސްގައި ހިފެހެއްޓިފައި ހުންނަ ތަކެތި ކަނޑައެޅިފައިވާ އުޞޫލުގެ ދަށުން ނައްތާލެވިދާނެކަމަށް ކަސްޓަމްސްގެ އާންމު ގަވާއިދުގައި ބަޔާންކޮށްފައިވެއެވެ.
