ކާގޯ ފްލައިޓެއްގައި ރާއްޖެއިން 33.4 ޓަނުގެ މަސް އެކްސްޕޯޓުކޮށްފި
1 ޖުލައި 2020 | ބުދަ 07:001.2 ޓަނުގެ ފިނިކުރި ފަރުމަސް އެކްސްޕޯޓުކޮށްފައިވޭ
ޓަރކިޝް އެއަރލައިންގެ ކާގޯ ފްލައިޓު
ޓަރކިޝް އެއަރލައިންގެ ކާގޯ ފްލައިޓެއްގައި ރާއްޖެއިން 33.4 ޓަނުގެ މަސް އެކްސްޕޯޓު ކޮށްފައިވާ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ބުނެފިއެވެ.
ފްލައިޓުގައި ޔޫރަޕުގެ ޤައުމުތަކަށް 32.3 ޓަނުގެ ފިނިކުރި މަހާއި، އެއް ޓަނުގެ ދިރޭ މަސް ވަނީ އެކްސްޕޯޓުކޮށްފައެވެ. އަދި 1.2 ޓަނުގެ ފިނިކުރި ފަރުމަސް އެކްސްޕޯޓުކޮށްފައި ވަނީ ދެކުނު އިރުމަތީ އޭޝިއާގެ ޤައުމުތަކަށެވެ.
ޓާކިޝް އެއަރލައިނުން ރާއްޖެއަށް ކާގޯ ފްލައިޓު ދަތުރުތައް މި އަހަރުގެ އޭޕްރިލް މަހުގެ ތެރޭގައި ފަށާފައިވާއިރު ކޮންމެ ހަފްތާއަކު ތުރުކީގެ އިސްތަންބޫލުން ފުރައިގެން ސްރީލަންކާގައި ޓުރާންސިޓް ކުރުމަށްފަހު ރާއްޖެއަށް ކާގޯ ދަތުރުތަކެއް ކުރުމަށް ރާވާފައިވާ ކަމަށް ޓާކިޝް އެއަރލައިނުން ބުނެއެވެ.
މިއީ މިއަހަރުތެރޭ މިހާ ގިނަ އަދަދެއްގެ މަސް އެއް ފްލައިޓެއްގައި ރާއްޖެއިން ބޭރުކޮށްފައިވާ ފުރަތަމަ ފަހަރުކަމަށް އެމްއޭސީއެލުން ހާމަކުރެއެވެ.
