ބުރާސްފަތި 09 ޖުލައި 2020
09 ފުނޯސް
1441 ޒުލްގައިދާ 18
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
މޯލްޑިވިއަންގެ ދަތުރުތައް ފެށުން

މޯލްޑިވިއަނުން މާދަމާ އެތެރޭގެ އުދުހުންތައް އަލުން ފަށަނީ

  • އެޗްޕީއޭގެ އުސޫލާ އެއްގޮތަށް އަމަލުކުރަން މޯލްޑިވިއަނުން އިލްތިމާސްކުރޭ
  • ބުދަ ދުވަހު ހަތަރު ފްލައިޓެއް ވަނީ ޝެޑިއުލްކޮށްފައި
  • އަތޮޅު ތެރެއިން މާލެ އަންނަ މީހުންވެސް އުސޫލުތަކަށް އަމަލުކުރަން ވަނީ އަންގާފައި

ކ. މާލެ | 30 ޖޫން 2020 | އަންގާރަ 23:21 | 4,214

މޯލްޑިވިއަންގެ ފްލްއިޓްތަކެއް ރަންވޭގައި - ޓްވިޓަރ

ކޮވިޑް-19ގެ ނުރައްކާ ބޮޑުވެގެން މެދުކަނޑާލި ގައުމީ އެއާލައިން، މޯލްޑިވިއަންގެ ދަތުރުތައް ބުދަ ދުވަހު އަލުން ފަށަން ތައްޔާރުވެއްޖެއެވެ. ބުދަ ދުވަހުން މޯލްޑިވިއަނުން ފަށާނީ އެތެރޭގެ އުދުހުންތަކެެވެ.

ބުދަ ދުވަހު ޑޮމެސްޓިކް ހަތަރު ދަތުރެއް ކުރާނެއެވެ. ފުރަތަމަ ފްލައިޓަކީ މާލެއިން ކައްދޫއަށް ފުރާ ފްލައިޓެވެ. އެ ފްލައިޓް ފުރަން ޝެޑިއުލްކޮށްފަައިވަނީ ހެނދުނު ނުވައެއް ޖަހާއިރުއެވެ.

ދެ މަހަށްވުރެ ގިނަ ދުވަސްތަކެއްގެ މެދުކެނޑުމަށް ފަހު އެތެރޭގެ އުދުހުންތައް ފަށައިގަންނައިރު މާލެއިން ދަތުރުކުރާ ފަސެންޖަރުން އެޗްޕީއޭގެ ގައިޑްލައިނަށް އަމަލުކުރުމަށް މޯލްޑިވިއަނުން ބާރުއަޅައެވެ.

އެޗްޕީއޭގެ އުސޫލު ބުނާ ގޮތުން މާލެއިން ރަށްރަށަށް ދަތުރުކުރާ އެންމެންވެސް 14 ދުވަހުގެ މުއްދަތަކަށް ގޭގައި ކަރަންޓީނުވާން ޖެހޭނެއެވެ. ރަށްރަށުގައި ކަރަންޓީނު ވާން އެދޭ މީހުން މާލެއިން ފުރުމުގެ ކުރިން ''ހާލު ބެލުން'' ޕޯޓަލްގައި ރަޖިސްޓްރީވެ، އެޗްޕީއޭގެ ހުއްދަ ލިބިފައިވޭތޯ ޔަގީންކުރަން މޯލްޑިވިއަނުން އިލްތިމާސްކުރެއެވެ.

ފަސެންޖަރުން ފުރުމުގެ ކުރިންވެސް އެ މީހަކީ ގޭގައި ކަރަންޓީނުވާ މީހެއްކަން ޗެކިން ކައުންޓަރުގައި އެންގުމަށް ދަތުރުތައް އަލުން ފެށުމާއި ގުޅޭ ގޮތުން ގައުމީ އެއާލައިނުން ނެރެނު ބަޔާނުގައި ބުންޏެވެ. އަތޮޅު ތެރެއިން މާލެ އަށް ދަތުރުކުރާ ފަސެންޖަރުންވެސް ފުރުމުގެ ކުރިން ޕޮލިސް ޕޯޓަލުން ހުއްދަ ހޯދުމަށް މޯލްޑިވިއަނުން ވަނީ ހުރިހާ ފަސެންޖަރުންނަށްވެސް އިލްތިމާސް ކޮށްފައެވެ.

މޯލްޑިވިއަނުން އަލުން ދަތުރު ފަށައިގަންނައިރު ރާއްޖޭގެ 15 ސަރަހައްދުތަކަކަށް ދަތުރުކުރާނެއެވެ. މާލެ ލޮކްޑައުން ކުރުމާއި ގުޅިގެން މޯލްޑިވިއަނުން އަންނަނީ ރާއްޖެއިން ބޭރުގައި ތާށިވެފައި ތިބި ދިވެހިން ގެނައުމާއި ޒަރޫރީ ގޮތުން ރާއްޖެއަށް ބޭނުންވާ ތަކެތި ފޯރުކޮށްދެމުންނެވެ. އަދި ރާއްޖޭގައި ތިބި ބިދޭސީން ގައުމަށް އަނބުރާ ގެންދިޔުމުގައިވެސް މޯލްޑިވިއަންގެ ރީޕެޓްރިއޭޝަން ފްލައިޓްތައް ވަނީ ބޭނުންކޮށްފައެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.