މޫދަށް ވެއްޓި، ގެއްލުނު މީހާ މަރުވެފައި އޮއްވާ ފެނިއްޖެ
27 ޖޫން 2020 | ހޮނިހިރު 04:14އެމީހާގެ ހަށިގަނޑު ފެނިފައިވަނީ 00:22 ހާއިރު
އުމްނާ އިސްމާއިލް | 27 ޖޫން 2020 | ހޮނިހިރު 04:14
އެމްއެންޑީއެފްގެ ކޯސްޓްގާޑް
މޫދަށް ވެއްޓިގެން ގެއްލުނު މީހާ މަރުވެފައި އޮއްވާ ފެނިއްޖެއެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ން ބުނީ 00:22 ހާއިރު އެމީހާގެ ހަށިގަނޑު 51 މީޓަރު އަޑީގައި އޮއްވާ ފެނިފައިވާ ކަމަށެވެ.
ތިލަފުށީ އުތުރުގައި އަޅާފައި އޮތް "ގޭސް އެޓްލާންޓިކް" ބޯޓުން ބިދޭސީއަކު މޫދަށް ވެއްޓި ގެއްލުމާ ގުޅިގެން އޭނާ ހޯދުމަށް އެމްއެންޑީއެފް މާލެ އޭރިއާ ސީޖީ ސްކުއާޑްރަނުން ހަރަކާތްތެރިވާން ފެށީ ހުކުރު ދުވަހުގެރޭ 22:20 ހާއިރުއެވެ.
އެ ބޯޓުން ދެ ބިދޭސީއެއް މޫދަށް ވެއްޓުނުއިރު، އެތަނުން އެކަކު އެސަރަހައްދުން މަސްވެރިކަން ކުރަން އުޅުނު ޑިންގީ އަކަށް ފެނިގެން ނަގާފައިވެއެވެ. އަދި މިހާރު އެމީހާ ވިލިމާލެ ހޮސްޕިޓަލަށް ގެންގޮސްފައިވާ ކަމަށްވެސް ވަނީ ބުނެފައެވެ.
