މިއަދު ޕޮޒިޓިވްވީ 6 މީހުން، 15 މީހަކު ބަލިން ފަސޭހަވެއްޖެ
26 ޖޫން 2020 | ހުކުރު 17:32ބަލިން ރަނގަޅުވި މީހުންގެ ޖުމްލަ އަދަދަކީ 1863
އަޒްލިފާ އަބްދުﷲ | 26 ޖޫން 2020 | ހުކުރު 17:32
ކޮވިޑް-19 އަށް ސާމްޕަލް ޓެސްޓްކުރަނީ
ރާއްޖެއިން ކޮވިޑް-19އަށް އިތުރު 6 މީހަކު ޕޮޒިޓިވްވެ ބަލިން ފަސޭހަވި މީހުންގެ އަދަދު އިތުރުވެއްޖެއެވެ.
ހެލްތްޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓްގައިވާ ގޮތުން ހުކުރު ދުވަހު ޕޮޒިޓިވް ވެފައިވަނީ 3 ދިވެހިންނާއި ތިން ބިދޭސީންނެވެ. އަދި އިތުރު 15 މީހަކު ބަލިން ރަނގަޅު ވެފައިވާ ކަމަށް ވެސް އެޗްޕީއޭގެ ތަފާސް ހިސާބުތަކުން ދައްކައެވެ.
އެގޮތުން މިހާރު ބަލިން ރަނގަޅުވި މީހުންގެ ޖުމްލަ އަދަދަކީ 1863 އެވެ.
މިހާތަނަށް ރާއްޖެއިން 2283 މީހަކު ކޮވިޑް-19 އަށް ޕްޒިޓިވް ވެފައިވާއިރު މިވަގުތު އެކްޓިވް ކޭސްތަކުގެ އަދަދު އުޅެނީ 407 ގައެވެ.
