މަޖިލީހުގެ މިއަދުގެ ޖަލްސާ: ދިވެހިރާއްޖޭގެ ތަފާސްހިސާބުގެ ބިލް ހުށަހެޅި، ބަހުސް ކުރިއަށް!
ރާއްޖޭގެ ތަފާސްހިސާބުގެ ދާއިރާ ތަރައްގީކުރުމާއި ގައުމުގެ އިގްތިޞާދީ އަދި އިޖުތިމާއީ ހާލަތު ރައްޔިތުންނަށް އަންގައިދިނުމުގެ ގޮތުން
ސަރުކާރުގެ ފަރާތުން މަޖިލީހަށް މިބިލް ހުށަހެޅުއްވި ދިއްގަރު ދާއިރާގެ މެމްބަރު އިކްރާމް ހަސަން: މިބިލްގައި ތަފާސްހިސާބާބެހޭ މިނިވަން މުއައްސަސާއެއް އުފެއްދުން ހިމެނޭ
ރައްޔިތުންގެ މަޖިލީހަށް ސަރުކާރުގެ ފަރާތުން ހުށަހަޅފައިވާ، ދިވެހިރާއްޖޭގެ ތަފާސްހިސާބުގެ ބިލް މަޖިލީހަށް ހުށަހަޅައި، އެ ބިލަށް މެމްބަރުން ބަހުސްކުރައްވައިފިއެވެ.
ދިވެހިރާއްޖޭގެ ތަފާސްހިސާބުގެ ބިލް ރައްޔިތުންގެ މަޖިލީހަށް ހުށަހެޅުއްވީ، ދިއްގަރު ދާއިރާގެ މެމްބަރު އިކްރާމް ހަސަނެވެ.
މި ބިލަކީ އާންމު ގަވާއިދުތަކާބެހޭ ގާނޫނުގެ ޖަދުވަލް 1 ގައި ހިނެމޭ "ދިވެހިރާއްޖޭގެ ތަފާސްހިސާބުގެ ގަވާއިދު"އަށް ގާނޫނީ ބާރު ލިބިދިނުމަށް، ރާއްޖޭގައި ތަފާސް ހިސާބާ ބެހޭ ގައުމީ ނިޒާމެއް ގާއިމުކޮށް، ރަސްމީ ތަފާސްހިސާބު އެއްކުރުމާއި، އެއްކުރެވޭ މައުލޫމާތުގެ ނަތީޖާ ހޯދުމާއި، އާންމުކުރުމާއި، ބޭނުންކުރުމުގައި އަމަލު ކުރަންޖެހޭ އުސޫލުތައް ކަނޑައަޅައި، އެކަންކަން ހިންގައި ބެލެހެއްޓުމަށްޓަކައި މިނިވަން މުއައްސަސާއެއް އުފެއްދުމާއި، އެމުއައްސަސާގެ ބާރުތަކާއި މަސްއޫލިއްޔަތުތައް ބަޔާންކުރުމަށްޓަކައި އެކުލަވާލާފައިވާ ބިލެކެވެ.
މި ބިލްގެ މައިގަނޑު މަގްސަދުތަކުގެ ތެރޭގައި، ރާއްޖޭގެ ތަފާސްހިސާބުގެ ދާއިރާ ތަރައްގީކުރުމާއި ގައުމުގެ އިގްތިޞާދީ އަދި އިޖުތިމާއީ ހާލަތު އަންގައިދޭ މުހިއްމު ތަފާސްހިސާބު، ގައުމީ ފެންވަރުގައި އެއްކޮށް، ރާއްޖޭގެ އެންމެހައި ރައްޔިތުންނަށް އިތުބާރުހުރި ގޮތެއްގައި، އެންހަމައެއްގައި ފޯރުކޮށްދިނުމެވެ.
ސަރުކާރުގެ ސިޔާސަތުތައް އެކުލަވާލުމަށާއި އެ ސިޔާސަތުތަކުގެ ނަތީޖާއިން ހާސިލްކުރެވޭ މިންވަރު ވަޒަންކޮށް، ގެންނަންޖެހޭ ބަދަލުތައް ދެނެގަތުމަށް ބޭނުންވާ ތަފާސްހިސާބު، ސައްހަކަމާއެމު އިތުބާރުހުރި ގޮތެއްގައި ކަމާބެހޭ އިދާރާތަކުން ފޯރުކޮށްދެވޭނެ އިންތިޒާމު ހަމަޖެއްސުން ކަމަށް ވެސް މިބިލްގައި ބުނެފައި ވެއެވެ.
މީގެއިތުރުން، ގައުމީ ފެންވަރުގައި ކުރާ މުހިއްމު ސަރވޭތަކާއި ބޯހިމެނުންފަދަ ތަފާސް ހިސާބާ ބަހޭ ކަންކަމަށް މައުލޫމާތު އެއްކުރުމުގައި ސައްހަ މައުލޫމާތު ދިނުމުގެ ފަރުދީ ޒިންމާ އަދާކުރުމަށް ރައްޔިތުންނަށް ބާރުއަޅައި ހޭލުންތެރިކަން އިތުރުކުރުން ހިމެނެއެވެ.
މި ބިލުގައި ބުނާ މިނިވަން މުއައްސަސާއެއްގެ ގޮތުގައި ތަފާސްހިސާބު ބެލެހެއްޓުމަށް ދައުލަތުގެ ވަކި އިދާރާއެއް އުފެއްދުމަށް ބުނާ ބުނުމަށް ބައެއް މެމްބަރުން ދެކޮޅު ހައްދަވައެވެ. ދެކޮޅު ހައްދަވާ މެމްބަރުން ސަބަބެއް ކަމަށް ވިދާޅުވަނީ، މިހާރުވެސް ދައުލަތުގައި މިނިވަން މުއައްސަސާތައް ހުރެމެ، އެމުއައްސަސަތަކުން އެކަށީގެންވާ ގޮތެއްގައި މަސައްކަތް ކުރަމުންނުދިއުން ހިމެނެ އެވެ. އެހެންކަމުން ބައެއް މެމްބަރުން ވިދާޅުވީ، ސަރުކާރުގެ މިނިސްޓްރީއެއްގެ ދަށުން ޑިޕާޓްމަންޓެއް ހަދައި ތަފާސްހިސާބުގެ ކަންކަން ކުރެއްވުމަކީ، ދައުލަތުގެ ޚަރަދު ކުޑަކުރުމުގެ ގޮތުން ބެލިޔަސް މާރަނގަޅު ގޮތެއް ކަމަށެވެ.
މި ބިލަށް އެއްވެސް މެމްބަރެއް ދެކޮޅު ހައްދަވާފައި ނުވާއިރު، ބިލްގެ މުހިއްމުކަން މެމްބަރުން ފާހަގަކުރެއްވިއެވެ.
