ބުރާސްފަތި 20 ޖޫން 2019
04 އަދަ
1440 ޝައްވާލް 16
ފަތިސް 04:36
އިރުއަރާ 05:55
މެންދުރު 12:11
އަސްރު 15:35
މަޣްރިބް 18:20
އިޝާ 19:39
ވިޔަފާރި - ސައިރިކްސް ކޮލެޖު

ސައިރިކްސް ކޮލެޖުން އާ ޕްރޮގްރާމަކަށް ފުރުޞަޠު ހުޅުވާލައިފި

  • މިއީ ގްރޭޑް 10 އެއް ނިންމާ ކުދިންނަށް ހާއްސަ ޕްރޮގްރާމެއް
  • މިމަހުގެ ނުވަ ވަނަ ދުވަހު ސަރޓިފިކޭޓް 3 ގެ ހަތަރު ބެޗެއް ފެށޭނެ
  • ސައިރިކްސް ކޮލެޖަކީ ރާއްޖޭގައި އެންމެ ދުވަސްވީ ކޮލެޖު

ރިޒުނާ ޒަރީރު
RiznaZareer

ކ. މާލެ 9 އޭޕުރިލް 2017 | އާދީއްތަ 13:28 1,448

ސައިރިކްސް ކޮލެޖު - ގެޓީ އިމޭޖާސް

ޔުނިވަރސިޓީ ޕްރެޕަރޭޝަން ޕްރޮގްރާމުގެ ނަމުގައި ސައިރިކްސް ކޮލެޖުން އާ ޕްރޮގްރާމަކަށް ފުރުޞަޠު ހުޅުވާލައިފިއެވެ.

 

ޔުނިވަރސިޓީ ޕްރެޕަރޭޝަން ޕްރޮގްރާމު (ޔޫ.ޕީ.ޕީ) އަކީ މޯލްޑިވްސް ކޮލިފިކޭޝަން އޮތޯރިޓީ (އެމް.ކިޔު.އޭ) އިން އެޕްރޫޕް ކޮށްގެން ހިންގާ ތިން މަހުގެ ކޯހެކެވެ.

 

ސައިރިކްސް ކޮލްޖުން ބުނިގޮތުގައި މިމަހުގެ 23 ވަނަ ދުވަހު ފެށުމަށް ހަމަޖެހިފައިވާ މި ޔޫ.ޕީ.ޕީ ޕްރޮގްރާމަކީ، ގްރޭޑް 10 އެއް ނިންމާ، މަތީތަޢުލީމަށް ދާން ބެނުންވެ އެހެނަމަވެސް ތަފާތު ސަބަބުތަކާއި ހުރެ، މަތީ ތައުލީމަށް ދެވޭނެ ފުރުޞަޠު ނުލިބިފައި ތިބި ފަރާތްތަކަށް އަމާޒުކޮށްގެން ހިންގާ ކޯހެކެވެ.

 

މި ކޯހުގައި ބައިވެރިވުމުގެ ޝަރުތަކީ، ގްރޭޑް 10 އެއް ނިންމާފައި ވުމާއި އެކު، ޢުމުރުން 20 އަހަރުވެ، މަސައްކަތުގެ ދާއިރާއެއްގައި މަދުވެގެން 2 އަހަރު ދުވަހު އުޅެފައިވުން ކަމަށް ސައިރިކްސްއިން ބުންޏެވެ.

 

ތިން މަސް ދުވަހުގެ މި ޕްރޮގާމު ނިންމާ ދަރިވަރުންގެ ތެރެއިން ފާސްވާ ދަރިވަރުންނަށް ސައިރިކްސް ކޮލެޖުން ހިންގާ ޑިގްރީ ޕްރޮގްރާމުތަކުގައި ބައިވެރިވެވޭނެއެވެ.

 

ސައިރިކްސް ކޮލެޖުން މައުލޫމާތުދިން ގޮތުގައި މި ޔޫ.ޕީ.ޕީ ޕްރޮގްރާމުގެ އިތުރުން މިމަހުގެ ނުވަ ވަނަ ދުވަހު ސަރޓިފިކޭޓް 3 ގެ ހަތަރު ބެޗެއް ފެށޭނެއެވެ. 

 

އެއީ ސަރޓިފިކޭޓް 3 އިން އައި.ޓީ، އެކައުންޓިން އެންޑް އޮފީސް މެނޭޖްމަންޓް އަދި އޮފީސް މެނޭޖްމަންޓް އެންޑް އެޑްމިނިސްޓްރޭޝަން ކޯސްތަކެވެ.

 

މީގެ އިތުރުން މިމަހުގެ ތޭވީސް ވަނަދުވަހު ފެށުމަށް ހަމަޖެހިފއަވާ 8 ކޯހެއްގައި ބައިވެރިވުމުގެ ފުރުޞަޠުވެސް މިހާރު ވަނީ ހުޅުވާލާފައެވެ.

 

އެ ކޯސްތަކަކީ، ސަރޓިފިކޭޓް 3 އިން ހިއުމަން ރިސޯސް މެނޭޖްމަންޓް، ސަރޓިފިކޭޓް 4 އިން ހިއުމަން ރިސޯސް މެނޭޖްމަންޓް، ސަރޓިފިކޭޓް 4 އިން ބިޒިނަސް އެޑްމިނިސްޓްރޭޝަން، ސަރޓިފިކޭޓް 4 އިން އައިޓީ އާއި، އެއް އަހަރުގެ ޑިޕްލޮމާ އިން އައިޓީ އާއި، އެއް އަހަރުގެ ޑިޕްލޮމާ އިން ބިޒިނަސް މެނޭޖްމަންޓްއާއި، އެއްއަހަރުގެ ޑިޕްލޮމާ އިން އެކައުންޓިންގ އެންޑް ފައިނޭންސްގެ އިތުރުން، ޔޫ.ޕީ.ޕީ ޕްރޮގްރާމެވެ.

               

ސައިރިކްސް ކޮލެޖަކީ ރާއްޖޭގައި އެންމެ ދުވަސްވީ ކޮލެޖަށް ވުމުގެ އިތުރުން، ކިޔަވައިދިނުމުގެ ދާއިރާއިން އެތައް ކާމިޔާބީތަކަކާއި އެތައް އެވޯޑްތަކެއް ހޯދާފައިވާ އިރުބާރު ހިފޭ ކޮލެޖެކެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް