ރާއްޖެ
ކޮވިޑް-19ށް ޕޮޒިޓިވްވުން
ރާއްޖޭގެ ކޮވިޑުގެ ހާލަތު: ޕޮޒިޓިވްވީ 37 މީހުން، ބަލިން ފަސޭހަވީ 19 މީހުން
19 ދިވެހިން ވަނީ ޕޮޒިޓިވްވެފައި
އަލީ ސަމާޚް, ރާއްޖެ އެމްވީ | 20 ޖޫން 2020 | ހޮނިހިރު 17:30
އައިޖީއެމްއެޗްގެ ލެބޯރަޓަރީގައި ކޮވިޑަށް ޓެސްޓުކުރަނީ
ރާއްޖޭގައި ކޮވިޑް-19ށް އިތުރު 37 މީހަކު ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) ކޮށްފައިވާ ޓްވީޓެއްގައި ބުނީ، ޕޮޒިޓިވް މީހުންގެ ތެރޭގައި ހިމެނެނީ 19 ދިވެހިންނާއި، ބަންގްލަދޭޝްގެ 12 މީހުންގެ އިތުރުން އިންޑިއާގެ ހަ މީހުން ކަމަށެވެ.
މި އާއިއެކު ރާއްޖޭގައި ކޮވިޑަށް ޕޮޒިޓިވްވި މީހުންގެ އަދަދުވަނީ 2187ށް އަރާފައެވެ. ހޮނިހިރު ދުވަހު ބަލިން ފަސޭހަވީ 19 މީހެކެވެ. ރިކަވަރީ ކޭސްގެ އަދަދު ވަނީ 1788ށް އަރާފައެވެ. މި ވަގުތު އެކްޓިވް ކޭސްތައް ވަނީ 389ށް އަރާފައެވެ.
ރާއްޖޭގައި ކޮވިޑް-19 ޖެހިގެން 8 މީހަކު ވަނީ ނިޔާވެފައެވެ.
