މިއަދު އެކަނިވެސް 500ށް ވުރެ ގިނަ ބިދޭސީން ފުރުވާލައިފި
16 ޖޫން 2020 | އަންގާރަ 17:22505 ބިދޭސީއަކު ވަނީ އަންގާރަ ދުވަހު ގައުމަށް ފޮނުވާލާފައި
އަޒްލިފާ އަބްދުﷲ | 16 ޖޫން 2020 | އަންގާރަ 17:22
ބިދޭސީން ގައުމަށް ފުރުވާލަނީ
ރާއްޖޭގައި ދިރިއުޅެމުންދާ އެކިގައުމުތަކުގެ 500ށް ވުރެ ގިނަ ބިދޭސީން ގައުމަށް ފުރުވާލައިފިއެވެ.
މޯލްޑިވްސް އިމިގްރޭޝަނުން ކޮށްފައިވާ ޓްވީޓްގައިވާގޮތުން އަންގާރަ ދުވަހު 505 ބިދޭސީއަކު ވަނީ ގައުމަށް ފޮނުވާލާފައެވެ. ގައުމަށް ފޮނުވާލާފައިވަނީ ބަންގްލަދޭޝްގެ 200 މީހަކާއި، އިންޑިއާގެ 156 މީހެއްގެ އިތުރުން ނޭޕާލްގެ 149 މީހެއް ވަނީ ގައުމަށް ފޮނުވާފައެވެ.
މިހާތަނަށް ރާއްޖޭގައި ދިރިއުޅޭ ބަންގްލަދޭޝްގެ 2800 މީހަކު ވަނީ ގައުމަށް ފޮނުވާލާފައެވެ. އަދި އިންޑިއާގެ 2000 އަށް ވުރެ ގިނަ މީހުން ކަނޑުގެ މަގުންނާއި ވައިގެ މަގުން ވަނީ ގައުމަށް ގެންގޮސްފައެވެ. މީގެ އިތުރުން ވެސް ރާއްޖޭގައި ދިރިއުޅޭ އަވައްޓެރި ސްރީލަންކާ އާއި ނޭޕާލްގެ ރައްޔިތުންތަކެއް ވަނީ ގައުމަށް ފޮނުވާލާފައެވެ.
