ސްކޫލްތައް ހުޅުވޭއިރު ނާސްތާ ނުދޭނެ: އެޑިއުކޭޝަން މިނިސްޓަރ
ސްކޫލްތައް ބަންދުކޮށްފައި ވަނީ މިދިޔަ މާރޗް މަހުގެ ތެރޭގައި
އެޑިއުކޭޝަން މިނިސްޓަރ ޑރ. އައިޝަތު އަލީ
ސްކޫލްތައް އަލުން ހުޅުވިގެންދާއިރު ސްކޫލްތަކުގައި ދަރިވަރުންނަށް ނާސްތާ ނުދޭނެ ކަމަށް އެޑިއުކޭޝަން މިނިސްޓަރ ޑރ އައިޝަތު އަލީ ވިދާޅުވެއްޖެ އެވެ.
ހޯމަ ދުވަހުގެ ރޭ ނެޝަނަލް އިމަޖެންސީ އޮޕްރޭޝަން ސެންޓަރގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރ ވިދާޅުވީ ދަރިވަރުން ސްކޫލަށް ފޮނުވަން ވާނީ ގެއިން ނާސްތާ ދީގެން ކަމަށެވެ. އަދި ބޯނެ ފެންވެސް ގެއިން ހިފައިގެން ދިއުމަށް މިނިސްޓަރ ވަނީ އިލްތިމާސްކުރައްވާފަ އެވެ.
ކޮވިޑް-19 އާ ގުޅިގެން ސްކޫލްތައް ބަންދުކޮށްފައި ވަނީ މިދިޔަ މާރޗް މަހުގެ ތެރޭގައި އެވެ.
ތިންމަހަށްވުރެ ގިނަ ދުވަސް ފަހުން އަލުން ސްކޫލްތައް ހުޅުވާލުމަށް އެޑއުކޭޝަން މިނިސްޓްރީން ނިންމާފައި ވަނީ އަންނަ މަހު އެވެ.
ސްކޫލްތަކުގެ ކިޔެވުން މެދުކެނޑުފައިއޮތް ނަމަވެސް ޓެލެކްލާސްތައް ދަނީ ކުރިއަށް ގެންދަމުންނެވެ.
