ރާއްޖޭގެ ކޮވިޑުގެ ހާލަތު: މިއަދު ޕޮޒިޓިވްވީ 30 މީހުން، އެކްޓިވް ކޭސްތަކުގެ އަދަދު 515ށް
15 ޖޫން 2020 | ހޯމަ 17:23229 މީހަކު ވަނީ ބަލިން ފަސޭހަވެފައި
އަލީ ސަމާޚް | 15 ޖޫން 2020 | ހޯމަ 17:23
ރެންޑަމް ސާމްޕަލް ނަގަން އެޗްޕީއޭގެ ޓީމުގެ މެމްބަރުން ހަރަކާތްތެރިވަނީ
ރާއްޖޭގައި ކޮވިޑް-19އަށް އިތުރު 30 މީހަކު ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ހޯމަ ދުވަހު ޕޮޒިޓިވްވި 30 މީހުންގެ ތެރޭގައި ހިމެނެނީ، 16 ދިވެހިންނާއި، ބަންގްލަދޭޝްގެ 13 މީހުންގެ އިތުރުން ނޭޕާލުގެ މީހެއް ކަމަށެވެ.
މި އަދަދާއިއެކު ޕޮޒިޓިވް ކޭސްތަކުގެ އަދަދު ވަނީ، 2065ށް ޖެހިލާފައެވެ. އެކްޓިވް ކޭސްތަކުގެ އަދަދު މި ވަގުތު އުޅެނީ 515 ގައެވެ. ހޯމަ ދުވަހު 229 މީހުން ބަލިން ފަސޭހަވެ ރިކަވަރީގެ އަދަދު ވަނީ 1540ށް އަރާފައެވެ. މިހާރު ރާއްޖޭގައި ޕޮޒިޓިވް ކޭސްތަކުގެ އަދަދު ދަނީ ދުވަހަށް ދަށްވަމުންނެވެ.
