ލަންކާގެ އާއްމު އިންތިހާބު އޮގަސްޓު 5 ގައި

ދެ ފަހަރެއްގެ މަތިން ފަސްކުރި ސްރީލަންކާގެ އާއްމު އިންތިހާބު އޮގަސްޓު މަހުގެ ފަސްވަނަ ދުވަހު ބާއްވާގޮތަށް އެ ގައުމުގެ އިލެކްޝަން ކޮމިޝަނުން ނިންމައިފި އެވެ.

އެކަން ހާމަކުރައްވަމުން އިލެކްޝަން ކޮމިޝަންގެ ޗެއަރމަން މަހިންދަ ދެޝަޕްރިޔަ ވިދާޅުވީ، އޮގަސްޓު މަހުގެ ފަސްވަނަ ދުވަހު އިންތިހާބު ބާއްވަން ފެނިވަޑައިގަންނަވާ ކަމަށް ނިންމާފައިވަނީ ކޮމިޝަންގެ މެމްބަރުންގެ އިއްތިފާގުން ކަމަށެވެ. އިންތިހާބުގައި ވާދަކުރާ ކެނޑިޑޭޓުންނާއި ވޯޓު ފޮށިތައް ބަހައްޓާނެ ތަން ވަނީ މިހާރު ގެޒެޓް ކޮށްފައެވެ.

ލަންކާގެ އިންތިހާބު ބާއްވަން އެންމެ ފުރަތަމަ ކަނޑައެޅީ އޭޕްރީލް މަހުގެ 25 ގައި އެވެ. އެކަމަކުު ކޮވިޑް-19 ގެ އައުޓްބްރޭކެއް ފެނުމާއި ގުޅިގެން އިންތިހާބު މާޗް މަހުގެ 20 ގައި ބާއްވާ ގޮތަށް ހަމަޖެއްސި އެވެ. ނަމަވެސް އެ ތާރީހުގައިވެސް ކޮރޯނާވައިރަހުގެ ނުރައްކާ އޮތުމުން ޖޫން މަހުގެ 20 ގައި އިންތިހާބު ބާއްވަން ފެންނަ ކަމަށް އިލެކްޝަން ކޮމިޝަނުން ނިންމި އެވެ.

ކޮވިޑް-19 ހާލަތު ހަމަޔަކަށް އެެޅެންދެން އިންތިހާބު ފަސްކުރަން އެދި އިދިކޮޅު ސިޔާސީ ޕާޓީތަކުން ކޯޓަށް ހުށައެޅި ޕެޓިޝަންވެސް ބަލައިނުގަނެ ވަނީ ބޭރުކޮށްލާފައެވެ. ފަސް އަހަރުގެ ދައުރަކަށް 225 މެމްބަރަކު އިންތިހާބުކުރާ ގާނޫނު ހަދާ މަޖިލީހުގެ އިންތިހާބުގައި ވޯޓުލުމުގެ ހައްގު ހަ މިލިއަން މީހަކަށް ލިބިގެންވެއެވެ.