ޗައިނާއިން އަންގާރަ ދުވަހު 3 މީހުންނަށް ވައިރަސް ޖެހިގެން ރިޕޯޓްކުރި
ޗައިނާއިން މިހާތަނަށް ވައިރަސް ޖެހިގެން ރިޕޯޓްކޮށްފައިވަނީ 83،046 މީހުން
ޗައިނާގެ މާރުކޭޓްގައި ބަޔަކު މާސްކު އަޅައިގެން ހިނގާފައި ދަނީ
ޗައިނާއިން އަންގާރަ ދުވަހު ތިން މީހުންނަށް އަލަށް ވައިރަސް ޖެހިފައިވާކަމަށް އެގައުމުގެ ނޭޝަނަލް ހެލްތު ކޮމިޝަނުން ބުނެފި އެވެ.
މީގެއިތުރުން ވައިރަސް ހަށިގަނޑުގައި ހުރި ކަމުގެ އަލާމާތްނުފެނި ފަސް މީހުން ވަނީ ޕޮޒިޓިވްވެފަ އެވެ. އަލަށް ވައިރަސް އަށް ޕޮޒިޓިވްވި މީހުންނަކީ އެގައުމަށް އެތެރެވި މީހުންނެވެ.
ހޯމަ ދުވަހު އަލަށް ވައިރަސް ޖެހިގެން ރިޕޯޓްކުރީ 3 މީހުންނެވެ. އަދި 21 މީހަކު ވަނީ ވައިރަސް ހުރިކަމުގެ އަލާމާތްނުފެނި ޕޮޒިޓިވްވެފަ އެވެ.
ޗައިނާއިން މިހާތަނަށް ވައިރަސް ޖެހިގެން ރިޕޯޓްކޮށްފައިވަނީ 83،046 މީހުންނެވެ. އަދި ވައިރަސް ޖެހިގެން މަރުވެފައިވަނީ 4،634 މީހުންނެވެ. ޗައިނާއިން އަލާމާތްނުފެނި ވައިރަސް އަށް ޕޮޒިޓިވްވާ މީހުންގެ އަދަދުތައް ޖުމްލަކޮށް ހާމަކުރަމުންނެއް ނުދެ އެވެ.
