ސްކޫލުތަކުގައި ކިޔަވައިދޭން ތައްޔާރުވާން އަންގައިފި
9 ޖޫން 2020 | އަންގާރަ 17:48މިނިސްޓްރީން އެހެން ބުނީ، ސްކޫލުތަކަށް ފޮނުވި ސާކިއުލާއެއް ގައި
ނިއު ނޯމަލްގައި ސްކޫލްތައް ހުޅުވާލަނީ ރައްކާތެރިކަމުގެ ފިޔަވަޅުތަކާއި އެކު
ކޮވިޑް-19އާ ގުޅިގެން ސްކޫލްތައް ބަންދުކޮށްފައި އޮތްއޮތުން ނިމުމަކަށް ގެނެސް ނިއު ނޯމަލްގައި ސްކޫލްތަކުގައި ކިޔަވައި ދިނުމަށް ތައްޔާރުވުމަށް އެޑިއުކޭޝަން މިނިސްޓްރީން ސްކޫލުތަކަށް އަންގައިފިއެވެ.
އަންގާރަ ދުވަހު އެޑިއުކޭޝަން މިނިސްޓަރު ޑރ. އައިޝަތު އަލީ ސޮއިކުރައްވާ ރާއްޖޭގެ ހުރިހާ ސްކޫލްތަކަށް ފޮނުއްވާފައިވާ ސަރކިއުލަރއެއްގައި ބުނީ، ކޮވިޑާ ގުޅިގެން ހާލަތަށް ބަލައި ސްކޫލްތަށް ހުޅުވައި ކިޔަވާދިނުން ފެށުމަށްޓަކައި ގިނަ މަޝްވަރާތަކެއް ކުރެވިފައިވާ ކަމަށެވެ. އެގޮތުން ހެލްތް ޕްރޮޓެކްޝަން އޭޖެންސީ (އެޗްޕީއޭ) އާއި ކަމާއި ގުޅުންހުރި ފަރާތްތަކުގެ ލަފާގެ މަތިން ސްކޫލްތައް ހުޅުވައި ކިޔަވާ ދިނުމަށް ތައްޔާރުވަމުންދާ ކަމަށް މިނިސްޓްރީގެ ސަރކިއުލަރގައި ބުންޏެވެ.
ސްކޫލްގެ ދަންފަޅިތަކުގެ އަދަދާއި ހާޒިރުވާން ޖެހޭ ގުރޭޑުތައް ކަނޑައަޅާނީ ސްކޫލްގެ އާބާދީއާއި ރަށުގެ ބަލި މަޑުކަމުގެ ހާލަތަށް ބެލުމަށް ފަހުއެވެ. ސްކޫލްގެ އިދާރީ ހިންގުމާއި، ކިޔަވައި ދިނުމުގެ ދަރިވަރުންނާއި މުވައްޒަފުންގެ ސިއްހީ ރައްކާތެރިކަން ކަށަވަރު ކުރުމަށް މި ހާލަތުގައި ގިނަ މަސައްކަތްތަކެއް ކުރަން ޖެހޭނެ ކަމަށް އެޑިއުކޭޝަން މިނިސްޓްރީން ފާހަގަކުރިއެވެ.
މިނިސްޓްރީން ބުނީ، ސްކޫލްތައް ހުޅުވޭނެ ތާރީހު ކަނޑައަޅާނީ އެޗްޕީއޭއިން ކަމަށެވެ. އެންއީއޯސީގެ ތަރުޖަމާނު މަބްރޫކް އަޒީޒް ވިދާޅުވީ، ސްކޫލްތައް ހުޅުވޭނެ ތާރީހު, ބުދަ ދުވަހު ހާމަކުރާ ފުރަބަންދަށް ލުއި ދިނުމުގެ ތަފްސީލީ ޕްލޭންގައި ހިމަނާނެ ކަމަށެވެ.
