މެޕްސް ކޮލެޖުން ވެބިނަރ ސީރީޒްއެއް ބާއްވަނީ
8 ޖޫން 2020 | ހޯމަ 18:58މެޕްސް ކޮލެޖަކީ ރާއްޖޭގައި މަތީ ތަޢުލީމް ފޯރުކޮށްދޭ އެންމެ ދުވަސްވީ އެއް ކޮލެޖު
މެޕްސް ކޮލެޖުގެ ޕޯސްޓަރެއް: ވެބިނަރތައް ބޭއްވުމަށް ހަމަޖެހިފައިވަނީ ޖޫން މަހުގެ ތެރޭގައި
މެޕްސް ކޮލެޖުގެ ފަރާތުން ވެބިނަރ ސީރީޒް އެއް ބޭއްވުމަށް ހަމަޖެހިއްޖެއެވެ.
އެކޮލެޖުން ބުނީ މި ވެބިނަރ ސީރީޒް ބޭއްވުމުގެ މަގްސަދަކީ އެ ކޮލެޖުގައި ކިޔަވާދޭ ކޯސްތަކާބެހޭ މަޢުލޫމާތު ވީހާވެސް ގިނަ ފަރާތްތަކަށް ފޯރުކޮށްދިނުންކަމަށެވެ. މި ވެބިނަރތަކުގެ ތެރޭގައި އެ ކޮލެޖުގައި ކިޔަވާދޭ ބޭރުގެ ޔުނިވަރސިޓީތަކުގެ ކޯސްތަކާއި މެޕްސް ކޮލެޖުގެ އަމިއްލަ ކޯސްތަކާއި ގުޅޭ މައުލޫމާތު ހިއްސާ ކުރެވޭނެއެވެ. އެގޮތުން، މި ވެބިނަރ ބާއްވާނީ ޖޫން މަހުގެ ތެރޭގައި ކަމަށެވެ.
މެޕްސް ކޮލެޖުން ބުނީ މި ދުވަސްވަރަކީ ވީހާވެސް ބޮޑަށް އޮންލައިން ވަސީލަތްތައް ބޭނުންކޮށްގެން މުޢާމަލާތްކުރުމަށް އިސްކަންދޭންޖެހޭ ދުވަސްކޮޅަކަށް ވުމާއެކު މިފަދަ ވެބިނަރ ސީރީޒްއަކުން މަތީ ތަޢުލީމް ހާސިލް ކުރުމަށް ބޭނުންވާ ފަރާތްތަކަށް ގޭގަ ތިބެގެން މަޢުލޫމާތު ހޯދާ އަދި ކޮލެޖުގެ މުވައްޒަފުންނާއެކު ފަސޭހަކަމާއެކު މުޢާމަލާތު ކުރުމަށް މަގުފަހި ވެގެންދާނެކަމަށެވެ.
ޒޫމް މެދުވެރިކޮށް ބާއްވާ މި ވެބިނަރތަކުގައި ބައިވެރިވުމަށް އެކޮލެޖުގެ ވެބްސައިޓުގައިރެޖިސްޓަރ ކުރުމުން، ވެބިނަރގައި ބައިވެރިވާނެ ގޮތުގެ ތަފްސީލް އެބޭފުޅެއްގެ އީމެއިލްއަށް ލިބޭނެއެވެ. މެޕްސް ކޮލެޖަކީ ރާއްޖޭގައި މަތީ ތަޢުލީމް ފޯރުކޮށްދޭ އެންމެ ދުވަސްވީ އެއް ކޮލެޖެވެ.
