ޗައިނާއިން އާދިއްތަ ދުވަހު އަލާމާތްތައް ނުފެނި 2 މީހަކަށް ކޮވިޑް-19 ޖެހުނު
8 ޖޫން 2020 | ހޯމަ 06:42އަލާމާތްތައް ފެނި ހަތަރު މީހަކަށް އާދިއްތަ ދުވަހު ކޮވިޑް-19 ޖެހިފައިވޭ
ޗައިނާގެ މާރުކޭޓެއްގައި ދެ މީހަކު މާސްކު އަޅައިގެން ހިނގާފައިދަނީ
ޗައިނާއިން އާދިއްތަ ދުވަހު ކޮވިޑް-19 ހަށިގަނޑުގައި ހުރި ކަމުގެ އެއްވެސް ޢަލާމާތްތައް ފެންނަން ނެތި، ދެ މީހަކު އެ ވައިރަސް އަށް ޕޮޒިޓިވް ވެފައިވާ ކަމަށް ޗައިނާގެ ނޭޝަނަލް ހެލްތު ކޮމިޝަނުން ބުނެފި އެވެ.
މީގެއިތުރުން އަލާމާތްތައް ފެނި ހަތަރު މީހަކަށް އާދިއްތަ ދުވަހު ކޮވިޑް-19 ޖެހިފައިވާ ކަމަށް ޗައިނާއިން ބުނެ އެވެ. މި އެންމެންނަކީވެސް ބޭރު ޤައުމުތަކުން ޗައިނާއަށް އެތެރެވި މީހުން ކަމަށް ޗައިނާއިން ބުނެ އެވެ. ހޮނިހިރު ދުވަހު އެޤައުމުން ހަ މީހަކު ވަނީ ވައިރަސްއަށް ޕޮޒިޓިވްވެފަ އެވެ.
ޗައިނާއިން މިހާތަނަށް އައިއިރު ވައިރަސް އަށް 83،040 މީހުން ވަނީ ޕޮޒިޓިވް ވެފައެވެ. އަދި ވައިރަސް ޖެހިގެން 4634 މީހުން ވަނީ މަރުވެފަ އެވެ.
