ރާއްޖޭގެ ކޮވިޑުގެ ހާލަތު: މިއަދު ޕޮޒިޓިވްވީ އެންމެ ދެ މީހުން، ޖުމްލަ ރިކަވަރީ 800ން މައްޗަށް
7 ޖޫން 2020 | އާދީއްތަ 17:36އެކްޓިވް ކޭސްތަކުގެ އަދަދުތައް ދަށަށް، މިހާރު އެންމެ 1066 ކޭސް
ކޮވިޑް-19 އިން ރައްކާތެރިވުމުގެ ގޮތުން ގިނަ ބަޔަކު އަންނަނީ ބޭރުގައި އުޅޭއިރު މާސްކު އަޅަމުން
ރާއްޖެއިން އިތުރު ދެ މީހަކު ކޮވިޑް-19 އަށް ޕޮޒިޓިވްވެ ބަލިން ފަސޭހަވާ މީހުން އަދަދު ގިނަވެ ޖުމްލަ ރިކަވަރީ 827ށް އަރައިފިއެވެ.
އެޗްޕީއޭ އިން އާދިއްތަ ދުވަހުގެރޭ އާއްމުކޮށްފައިވާ ތަފާސްހިސާބުތަކަށް ބަލާއިރު ޕޮޒިޓިވްވި މީހުންގެ އަދަދު ވަނީ 1903ށް އަރާފައެވެ. އަދި މިއީ މާލެ ސަރަހައްދުގައި މި ބަލި ފެތުރެން ފެށި ފަހުން، އެންމެ މަދު އަދަދެއްގެ ބަޔަކު ޕޮޒިޓިވްވެގެން ރިޕޯޓްކުރެވުނު ދުވަހެވެ.
ފާއިތުވި 24 ގަޑިއިރަށް ބަލާއިރު، ބަލިން ފަސޭހަވެފައިވަނީ 64 މީހެކެވެ. މިއީ ރާއްޖެއިން މި ބަލި ޖެހިފައިވާ މީހުންގެ ޖުމްލަ އަދަދުތަކާއި އަޅާކިޔާއިރު، 40 އިންސައްތައަށް ވުރެ މަތިކަން ފާހަގަކޮށްލަން ޖެހެއެވެ. އަދި ރިކަވަރވި މީހުންގެ އަދަދުތަކާއެކު، އެކްޓިވް ކޭސްތަކުގެ އަދަދު ވަނީ 1066ށް ތިރިއަށް ޖެހިލާފައެވެ.
ބަލި ޖެހިގެން މަރުވީ މީހުންނަށް ބަލާއިރު، މިހާތަނަށް ކޮވިޑު ޖެހިގެން މަރުވީ މީހުންގެ އަދަދަކީ 8 އެވެ. ބަލި ޖެހުނު މީހުންގެ ނިސްބަތުން މަރުވި މީހުންގެ އަދަދު ނުވަތަ މޯޓާލިޓީ ރޭޓަށް ބަލާއިރު، މިއީ 0.42 އިންސައްތައެވެ. މިއީ ދުނިޔޭގެ ގިނަ ގައުމުތަކާއި އަޅާބަލާއިރު، ދަށް އަދަދެކެވެ.
