ކ. މާލެ
|
7 ޖޫން 2020 | އާދީއްތަ 12:57
ދިވެހިރާއްޖޭގެ ހައިކޯޓު
ދިވެހިރާއްޖޭގެ ހައިކޯޓު
ރާއްޖެއެމްވީ
ވެބް ކޮންފަރެންސް އަޑުއެހުން ލައިވްކުރުން
ހައިކޯޓުން ފުރަތަމަ ފަހަރަށް ޝަރީއަތެއް ވެބް ކޮންފަރެންސްކޮށް ބާއްވައި، ލައިވްކޮށް ކުރިއަށް ގެންގޮސްފި
 
ސުޕްރީމް ކޯޓާއި ހައިކޯޓު އަދި ދަށު ކޯޓުތަކުންވެސް ވެބް ކޮންފަރެންސް މެދުވެރިކޮށް އަޑުއެހުންތައް ގެންދަނީ ބާއްވަމުން
 
އަދުލް އިންސާފުގެ ދާއިރާއަށް ބޮޑެތި ހެޔޮ ބަދަލުތަކެއް ދަނީ ގެންނަމުން

ދިވެހިރާއްޖޭގެ ހައިކޯޓުން ފުރަތަމަ ފަހަރަށް ވެބް ކޮންފަރެންސް މެދުވެރިކޮށް، ޝަރީއަތެއް ބާއްވައި އެ ޝަރީއަތުގެ އަޑުއެހުން ލައިވްކޮށްފި އެވެ.

އާދިއްތަ ދުވަހު ބޭއްވި ޝަރީއަތުގެ އަޑުއެހުމަކީ، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ކުރީގެ ޖުޑީޝަލް އެޑްމިނިސްޓްރޭޓަރ ޙަސަން ސަޢީދު ޙުސައިން ހައިކޯޓުގައި އިސްތިއުނާފް ކުރައްވާފައިވާ ދައުވާގެ ޝަރީއަތް ނިންމުމަށް ނުވަތަ ހުކުމް ކުރުމަށް ބޭއްވި އަޑު އެހުމެކެވެ. މިމައްސަލާގައި ދައުވާ ލިބޭ ނުވަތަ ރައްދުވާ ފަރާތަކީ ޕްރޮސެކިއުޓަރ ޖެނެރަލް (ޕީޖީ)ގެ އޮފީހެވެ. އަޑުއެހުން ތާވަލް ކޮށްފައިވަނީ އާދިއްތަ ދުވަހުގެ 11:30ގަ އެވެ.

އާދިއްތަ ދުވަހުގެ މި އަޑުއެހުމުގައި، ހަސަން ސައީދު ހުސައިންގެ މައްޗަށް ކޮށްފައިވާ ދަށު ކޯޓުގެ ހުކުމްކޮށްފައިވަނީ ގާނޫނާ ހިލާފަށް ކަމަށް ކަނޑައަޅައި އެހުކުމް ވަނީ ބާތިލްކޮށްފަ އެވެ.

ކޮވިޑް-19 ރޯގާ ފެތުރެމުން ދިއުމާގުޅިގެން މާލެ ސަރަހައްދު ފުރަބަންދު ކޮށްފައިވާތީ، ކޯޓުތަކުން ފޯރުކޮށްދޭ ހިދްމަތްތަކާއި، ވެބް ކޮންފަރެންސް މެދުވެރިކޮށް ބޭއްވޭ ޝަރީއަތުގެ އަޑުއެހުންތައް ބޭއްވުމާއި އަދި ލައިވް ކުރެވޭ ޝަރީއަތުގެ އަޑުއެހުންތައް ލައިވް ކުރުމުގެ އުސޫލްތަކެއް އަދުލް އިންސާފުގެ ދާއިރާގެ ކޯޓުތަކުގައި ގާއިމުކޮށްފައިވާއިރު، ހައިކޯޓުން ވެސް ވަނީ މިފަދަ ހާލަތްތަކުގައި އަމަލު ކުރާނެ ހާއްސަ އުސޫލެއް ގާއިމުކޮށްފަ އެވެ.

ޢާއްމު ޞިއްޙަތުގެ ކުއްލި ނުރައްކަލުގެ ޙާލަތު އިޢުލާންކުރެވިފައިވާ މުއްދަތުގައި ބަންދު އަމުރުގެ މައްސަލައެއް، ޚަސްމުން ހައިކޯޓު ދެކުނު ބްރާންޗަށް ޙާޟިރުކޮށްގެން ވީޑިއޯ ކޮންފަރެންސް މެދުވެރިކޮށް ހިންގައި މޮނިކޮމް އަމުރުގެ 7 އަމުރު ހައިކޯޓުން ނެރެފައިވެއެވެ.

މާލެ ސަރަހައްދު ފުރަބަންދު ކުރުމާއި ގުޅިގެން ދައުލަތުގެ މުއައްސަސާތަކާއި އިދާރާތަކުގައި އޮންލައިންކޮށް ދެވެން ހުންނަ ހިދްމަތްތައް ދިނުމަށް ސަރުކާރުން ދަނީ ބާރު އަޅަމުންނެވެ.

ރައްޔިތުންގެ މަޖިލީހުގެ ޖަލްސާތަކާއި، ކޮމެޓީ ބައްދަލުވުންތައް ވެބް ކޮންފަރެންސް މެދުވެރިކޮށް، ބާއްވައި އަދި ލައިވްކުރަމުންދާއިރު، ކެބިނެޓް ބައްދަލުވުންތައްވެސް ވެބް ކޮންފަރެންސް މެދުވެރިކޮށް ދަނީ ބާއްވަމުންނެވެ.

ދިވެހިރާއްޖޭގެ ޝަރުއީ ކޯޓުތަކުންވެސް، އޮންލައިންކޮށް ގިނަ ހިދުމަތްތަކެއް ދެމުންދާއިރު، ވެބް ކޮންފަރެންސް މެދުވެރިކޮށް ޝަރީއަތުގެ އަޑުއެހުންތައް ދަނީ ބާއްވަމުން ނެވެ. އެގޮތުން، އެންމެ މަތީ މަރުހަލާ ކޯޓު ކަމަށްވާ ސުޕްރީމް ކޯޓުން ވަނީ ވެބް ކޮންފަރެންސް މެދުވެރިކޮށް ޝަރީއަތުގެ އަޑުއެހުންތައް ބާއްވަން ފަށައި، އަދި ލައިވް ކުރެވޭ ޝަރީއަތުގެ އަޑުއެހުންތައް ލައިވްވެސް ކޮށްފައިވާކަން ފާހަގަކޮށްލެ ވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
100%
0%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި