ރާއްޖެ
ކޮވިޑް-19 ބަލިން ފަސޭހަވުން
46 މީހަކު ބަލިން ފަސޭހަވެ، ޖުމްލަ އަދަދު 763ށް އަރައިފި
ހުކުރު ދުވަހު 69 މީހަކު ބަލިން ފަސޭހަވެފައިވޭ
ދާނިޝް ނިޡާމް, ރާއްޖެ އެމްވީ | 6 ޖޫން 2020 | ހޮނިހިރު 17:18
ރެޕިޑް ރެސްޕޯންސް ޓީމުން ސާމްޕަލް ނެގުމުގައި ހަރަކާތްތެރިވަނީ
46 މީހަކު ބަލިން ފަސޭހަވެ، ކޮވިޑް-19 ޖެހިގެން ބަލިން ފަސޭހަވި ޖުމްލަ މީހުންގެ އަދަދު 763ށް އަރައިފި އެވެ.
އެޗްޕީއޭއިން ހިއްސާކޮށްފައިވާ އެންމެ ފަހުގެ ތަފާސްހިސާބުތަކުން ދައްކާގޮތުން ހޮނިހިރު ދުވަހުގެ އިރުއޮއްސި 6 ޖެހުމާއި ހަމަޔަށް އިތުރު 46 މީހަކު ވަނީ ބަލިން ފަސޭހަވެފަ އެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ބަލިން ރަނގަޅުވާ މީހުންގެ ނިސްބަތް ދުވާލަކަށް %27 އަރާފައިވާކަމަށް ކޮވިޑް-19 ޓާސްކް ފޯހުން ވަނީ ހާމަކޮށްފަ އެވެ. ރާއްޖޭގައި ބަލިޖެހޭ މީހުން ރަނގަޅުވަނީ އެވަރެޖްކޮށް 17 ދުވަހުގެ ތެރޭގައިކަމަށް އެޗްޕީއޭ އިން ވަނީ މައުލޫމާތު ދީފަ އެވެ.
