އޭޝިއަން ކޮލެޖް އޮފް ޖާރނަލިޒަމްގެ ފަރާތުން ހުޅުވާލާފައިވާ ސްކޮލާރޝިޕަށް ކުރިމަތިލުމުގެ ފުރުސަތު ހުޅުވާލައިފި
6 ޖޫން 2020 | ހޮނިހިރު 13:06މިއީ 09 މަސްދުވަހުގެ ކޯހެއް
މޯލްޑިވްސް މީޑިއާ ކައުންސިލް، ސްކޮލަރޝިޕްގެ ފުރުސަތު ދެ މީހަކަށް ލިބޭނެ
އިންޑިއާގެ ޗެންނާއީ ގައި ހުންނަ އޭޝިއަން ކޮލެޖް އޮފް ޖާރނަލިޒަމްގެ ފަރާތުން ހުޅުވާލާފައިވާ ސްކޮލާރޝިޕްގެ ފުރުސަތަށް ނަން ހުށަހެޅުމަށް ހުޅުވާލައިފިއެވެ.
މޯލްޑިވްސް މީޑިއާ ކައުންސިލުން ބުނީ އިންޑިއާގެ ޗެންނާއީގައި ހުންނަ އޭޝިއަން ކޮލެޖް އޮފް ޖާރނަލިޒަމްގެ ފަރާތުން 9 މަސް ދުވަހުގެ ޖާރނަލިޒަމް ކޯހެއް ފުރިހަމަ ކުރުމަށް 2 މީހަކަށް މިކޯހުގައި ބައިވެރިވުމަށް ފުރުސަތު ހުޅުވާލާފައިވާ ކަމަށެވެ.
ކޯހަށް ކުރިމަތިލުމުގެ ޝަރުތަކީ ބެޗްލަރ ޑިގްރީ ފުރިހަމަ ކޮށްފައިވުމެވެ.
މިކޯހުގައި ބައިވެރިވުމަށް ޝައުގުވެރިވާ މީހުން 9 ޖޫން 2020 ވާ އަންގާރަ ދުވަހުގެ 14:00 ގެ ކުރިން ކައުންސިލުގެ އީމެއިލްinfo@mmc.org.mvއަށް އައިޑީކާޑު ކޮފީ، މޯބައިލް ފޯން ނަންބަރު، މައުލޫމާތު ހިމެނޭ ކަރުދާހެއް (ސީވީ/ބަޔޯޑާޓާ)، ޑިގްރީ ސެޓްފިކެޓްގެ ކޮޕީއާއި މަސައްކަތު ތަޖުރިބާ (ލިޔުންތަށް) ހުށަހެޅުމަށް އެދޭ ކަމަށެވެ.
މީޑިއާ ކައުންސިލުން ބުނީ ކޯހުގެ ޚަރަދުގެ އިތުރުން، އެއަރ ޓިކެޓް ޚަރަދު އަދި ކޯހުގެ މުއްދަތުގައި ހުރުމާއި ކެއުމުގެ ޚަރަދު ކޯސް ދޭފަރާތުން ހަމަޖައްސާނެ ކަމަށެވެ. އަދި މިކަމާ ގުޅޭގޮތުން އިތުރު މައުލޫމާތު ސާފުކުރުމަށް ބޭނުންވާނަމަ ކައުންސިލްގެ ނަންބަރު 7967919 އަށް ގުޅުމަށް އެދޭ ކަމަށެވެ.
