ޔުނިވަރސަލް އެންޓަޕްރައިސަސްގެ ފަރާތުން 20،000 ވުރެ ގިނަ ޓެސްޓް ކިޓް ހަދިޔާކޮށްފި
6 ޖޫން 2020 | ހޮނިހިރު 10:3620,200 ޓެސްޓްކިޓް ހަދިޔާ ކޮށްފައިވޭ
ޔުނިވަރސަލް އެންޓަޕްރައިސަސްގެ ފަރާތުން ޓެސްޓް ކިޓް ހަދިޔާކުރުން
ޔުނިވަރސަލް އެންޓަޕްރައިސަސްގެ ފަރާތުން 20،000 ވުރެ ގިނަ ޓެސްޓް ކިޓް ހަދިޔާކޮށްފިއެވެ.
މިކަމާއި ގުޅިގެން ހެލްތް މިނިސްޓްރީން ބުނެފައިވަނީ، ކޮވިޑް -19 ބައްޔާއި ދެކޮޅަށް ދިވެހިރާއްޖެއިން ކުރަމުންގެންދާ މަސައްކަތްތަކުގެ ތެރެއިން ލެބޯޓްރީ ޓެސްޓުކުރުން އިތުރަށް ހަރުދަނާކުރުމުގެ މަސައްކަތަށް އެހީތެރިވުމުގެގޮތުން ޔުނިވަރސަލް އެންޓަޕްރައިސަސްގެ ފަރާތުން 20,200 ޓެސްޓްކިޓް ހަދިޔާކޮށްފައިވާކަމަށެވެ.
ހެލްތު މިނިސްޓަރ ޢަބްދުﷲ އަމީން ވަނީ ޔުނިވަރސަލް އެންޓަޕްރައިސަސްގެ ފަރާތުން ލިބުނު އެހީތެރިކަމާއި އެއްބާރުލުން ފާހަގަކުރައްވާ ޔުނިވަރސަލްގެ އިސްވެރިންނަށާއި މިކަމުގައި ހަރަކާތްތެރިވެ ވަޑައިގެންނެވި އެންމެހައި ބޭފުޅުންނަށް ޝުކުރު އަދާކުރައްވާފައެވެ.
ދިވެހިރާއްޖެއިން ކޮވިޑް-19 ބައްޔާއި ދެކޮޅަކަށް ކުރަމުންދާ މަސައްކަތްތަކަށް ދުނިޔޭގެ އެކި ޤައުމުތަކާއި ޖަމްޢިއްޔާތަކުންނާއި އަމިއްލަ ކުންފުނިތަކުން ދަނީ ދީލަތި އެހީތެރިކަން ފޯރުކޮށްދެއްވަމުންނެވެ.
މިގޮތުން ފަންނީ އެހީތެރިކަމުގެ އިތުރަށް، ދިވެހިރާއްޖޭގެ އެކި ސަރަޙައްދުތަކުގައި މިބައްޔަށް ޓެސްޓުކުރުމުގެ އިންތިޒާމްތައް ހަމަޖެއްސުމަށް ވާންޖެހޭ އެހީތެރިކަމާއި، އެކިކަހަލަ އާލާތްތައް ހޯދުމުގައިވެސް އެކި ފަރާތްތަކުން އަންނަނީ މެދުކެނޑުމެއްނެތި އެހީތެރިކަން ފޯރުކޮށްދެމުންނެވެ.
