69 މީހަކު ބަލިން ފަސޭހަވެ، ޖުމްލަ އަދަދު 700ން މައްޗަށް
ބުރާސްފަތި ދުވަހު 4 މީހަކު ވަނީ ބަލިން ފަސޭހަވެފައި
ދާނިޝް ނިޡާމް | 5 ޖޫން 2020 | ހުކުރު 17:39
ރެޕިޑް ރެސްޕޯންސް ޓީމުން މަގުތަކުގައި ހަރަކާތްތެރިވަނީ
69 މީހަކު ބަލިން ފަސޭހަވެ، ކޮވިޑް-19 ޖެހިގެން ބަލިން ފަސޭހަވި ޖުމްލަ މީހުންގެ އަދަދު 717ށް އަރައިފި އެވެ.
އެޗްޕީއޭއިން ހިއްސާކޮށްފައިވާ އެންމެ ފަހުގެ ތަފާސްހިސާބުތަކުން ދައްކާ ގޮތުން ހުކުރު ދުވަހުގެ އިރުއޮއްސި 6 ޖެހުމާއި ހަމަޔަށް އިތުރު 69 މީހަކު ވަނީ ބަލިން ފަސޭހަވެފަ އެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ބަލިން ރަނގަޅުވާ މީހުންގެ ނިސްބަތް ދުވާލަކަށް %27 އަރާފައިވާކަމަށް ކޮވިޑް-19 ޓާސްކް ފޯހުން ވަނީ ހާމަކޮށްފަ އެވެ. ރާއްޖޭގައި ބަލި ޖެހޭ މީހުން ރަނގަޅުވަނީ އެވަރެޖްކޮށް 17 ދުވަހުގެ ތެރޭގައި ކަމަށް އެޗްޕީއޭ އިން ވަނީ މައުލޫމާތު ދީފަ އެވެ.
