މިސަރުކާރުން ގުދުރަތީ ވެށި ރައްކާތެރި ކުރުމަށް އަބަދުވެސް ވަކާލާތު ކުރާނެ: ރައީސް ސޯލިހު
5 ޖޫން 2020 | ހުކުރު 10:48ތިމާވެށި ހިިމާޔަތް ކުރުމަށް ކުރެވެން ހުރި މަސައްކަތްތައް ކުރާނެ
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު
ގުދުރަތީ ވެށި ރައްކާތެރި ކުރުމަށް މި ސަރުކާރުން އަބަދުވެސް ވަކާލާތު ކުރާނެ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ހުކުރު ދުވަހަކީ ބައިނަލްއަޤުވާމީ ގޮތުން ފާހަގަކުރަމުން އަންނަ ތިމާވެށީގެ ދުވަސްކަމަށްވުމާއެކު، ދުވަހާއި ގުޅުވައިގެން ރައީސް ސޯލިހު ވިދާޅުވީ ތިމާވެށި ދުވަސް ފާހަގަކުރަމުންދާއިރު، މިހާރު ދިމާވެގެން އުޅޭ ކޮވިޑް-19ގެ ބަލިމަޑުކަމުން އަރައިގަންނަން މަސައްކަތް ކުރުމާއެކު ތިމާވެށި ހިމާޔަތް ކުރުމަށް ވެސް ޚާއްސަ ސަމާލުކަމެއް ދޭން ޖެހޭ ކަމަށެވެ.
ރައީސް ސޯލިހު ވިދާޅުވީ ތިމާވެށި ހިިމާޔަތް ކުރުމަށް ކުރެވެން ހުރި މަސައްކަތްތައް ކުރުމުގައި މިސަރުކާރުން ޚާއްސަ ސަމާލު ކަމެއްދޭނެ ކަމަށެވެ.
މިސަރުކާރުން ގުދުރަތީ ވެށި ރައްކާތެރި ކުރުމަށް އަބަދުވެސް ވަކާލާތު ކުރާނެ ކަމަށް ރައީސް ސޯލިހު ވިދާޅުވެފައިވާއިރު، ސަރުކާރުގައި ތަރައްގީއަށް ހިންގާ މަޝްރޫއުތައް ވެސް ކުރިއަށް ގެންދާނީ ތިމާވެއްޓަށް ގެއްލުން ނުވާނެ ފަދަ ގޮތަށް ކަމަށް މިސަރުކާރުން ބުނެއެވެ.
މިއަހަރުގެ ތިމާވެށީގެ ދުވަހުގެ ޝިޢާރަކީ "ޓައިމް ފޮރ ނޭޗަރ" އެވެ. އަދި މިއަހަރު އަލިއަޅުވާލުމަށް ނިންމާފައި ވަނީ ދިރޭތަކެއްޗަށެވެ.
