މެކްސިކޯގައި ރަހީނުކުރި ސިޔާސީ ފަރާތެއް މަރުވެފައި އޮއްވާ ފެނިއްޖެ

މެކްސިކޯގެ ރައީސް އަންދްރޭސް މެނުއެލް ލޯޕޭޒް އޮބްރޭޑޯގެ ޕޮލިޓިކަލް ޕާޓީގެ ލެޖިސްލޭޓަރއެއްގެ ގޮތުގައި މަސައްކަތް ކުރި އަނެލް ބުއޭނޯ ރަހީނުކުރި ފަހުން މަރުވެފައި އޮއްވާ ފެނިއްޖެއެވެ.

މެކްސިކޯގެ ރައީސް އަންދްރޭސް މެނުއެލް ލޯޕޭޒް އޮބްރޭޑޯގެ ޕޮލިޓިކަލް ޕާޓީގެ ލެޖިސްލޭޓަރއެއްގެ ގޮތުގައި މަސައްކަތް ކުރި އަނެލް ބުއޭނޯ ވަނީ އޭޕްރީލް 29 ވަނަ ދުވަހު ހަތިޔާރު އެޅި ގުރޫޕަކުން ވަގަށް ނަގާފައެވެ. އޭނާ ކިޑްނެޕް ކޮށްފައިވަނީ ކޮވިޑް-19އާ ގުޅިގެން ކުރިއަށް ގެންދިޔަ ސެނިޓޭޝަން ޕްރޮޖެކްޓެއްގައި ބައިވެރިވެގެން އުޅެނި ކޮށްށެވެ.

އޭނާގެ ހަށިގަނޑު ފެނިފައިވަނީ އިތުރު އެހެން ތިން ފިރިހެނެއްގެ ހަށިގަނޑު ފެނިފައިވާ ވަޅުގަނޑަކުން ކަމަށް ރިޕޯޓުތަކުން ބުނެއެވެ. އަދި އެއީ ބުރޭނޯގެ ހަށިގަނޑުތޯ ޔަގީން ކުރުމަށް އަންގާރަ ދުވަހު ހެދި ޓެސްޓުތަކުން އެއީ އޭނާކަން ކަށަވަރުވެފައިވާ ކަމަށެވެ.

މިހަށިގަނޑުތައް ފެނުނު ކޮލިމާ ސްޓޭޓްގެ ގަވަރުނަރު ވިދާޅުވީ މިކަން ކުރި ބަޔަކު ހޯދާ އިންސާފު ހޯދައިދޭނެ ކަމަށެވެ. ގަވަރުނަރުގެ މިއެނައުސްމެންޓްގެ އެއްދުވަހުގެ ކުރިން އޭނާ ވަނީ ކާރެއްގެ ތެރެއިން ވެސް 7 މީހެއްގެ ހަށިގަނޑަކީ ވެސް މީގެ ދުވަސްކޮޅެއް ކުރިން ޖެލިސްކޯ ސްޓޭޓް އިން ގެއްލިފައިވާ ޕޮލިސް މީހުންގެ ހަށިގަނޑުތައް ކަމަށް ވިދާޅުވެފައެވެ.

އެޓަރނީ ޖެނަރަލް އެދުމަށް ބުއޭނޯގެ މަންމަ މީޑިއާތަކަށް މައުލޫމާތު ނުދީ މަޑު ކޮށްފައިވާ ކަމަށް ރިޕޯޓުތަކުން ބުނެއެވެ.

ކޮލިމާ ސްޓޭޓްގައި ވަނީ ބޮޑެތި އަދި ނުރައްކާތެރި ހަމަލާތަކާއި މަރުތައް ގިނަވާން ފަށާފައެވެ. އަދި މިކަމަކީ ހަތިޔާރު އެޅި ގޭންގުތަކުން ހިންގާ އޯގަނައިޒް ކްރައިމް ތަކެއް ކަމަށް އެގައުމުގެ މީޑިއާތަކުން ރިޕޯޓު ކުރެއެވެ. އަދި މީގެ ކުރިން ވެސް ބޮޑެތި ސިޔާސީ މީހުންނަށް ހަމަލާތައް އަމާޒުވެފައިވެއެވެ. އެގޮތުން 2017 ވަނަ އަހަރު އަހަރު އެކްސްތަހޯކޯން ކްރިސްޕީން ގުޓޭރޭޒް ވަނީ މަރާލާފައެވެ. އަދި ވަނީ މިދިޔަ ޖުލައި މަހު މެންޒާނިލޯ ގެ މޭޔަރ އަށް ބަޑިން ހަމަލާތަކެއް ދީފައިވެއެވެ. އަދި ހަނި ފުރުސަތަކުން އޭނާ ވަނީ ސަލާމަތްވެފައެވެ.

ކޮވިޑް-19އާ ގުޅިގެން މެކްސިކޯ ލޮކްޑައުންގައި އޮތް ނަމަވެސް ގިނަ އަދަދެއްގެ މާރާމާރީތަކާއި މަރުތައް ދަނީ އިތުރުމުންނެވެ. މިހާރުގެ ރައީސް ލޮޕެޒް ވެރިކަމަށް 2018 ގައި އައިފަހުން މީހުން މެރުމުގެ މައްސަލަތައް ވަނީ އިތުރުވެފައެވެ. އެގޮތުން މާޗް މަހު 3000 މީހުން މަރާލާފައިވާއިރު، އޭޕްރީލް މަހު ވަނީ 2950 މަރު ރިޕޯޓުކޮށްފައެވެ.