އިޖުތިމާއީ ގައިދުރުކަމުގެ އުސޫލުތަކާ ޚިލާފުވުމުން މިޑްފީލްޑަރު ފިލް ފޮޑެން އަށް ނަސޭހަތްތެރިވާން މެންޗެސްޓާ ސިޓީން ނިންމައިފި އެވެ.

އިނގިރޭސި ޕްރިމިއާ ލީގު މިމަހުގެ 17 ވަނަ ދުވަހު ފަށަން ތާވަލު ކޮށްފައިވާއިރު، މީގެ ކުރިން ވަނީ ކުޅުންތެރިން ކޮންޓެކްޓް ވެވޭ ގޮތަށް ފަރިތަކުރަން ހުއްދަ ދީފައެވެ. އެކަމަކު ޓްރެއިނިންގ ސެންޓަރުގެ ބޭރުގައި އުޅޭއިރު، އިޖުތިމާއީ ގައިދުރުކަމުގެ އުސޫލުތަކާ އެއްގޮތަށް އަމަލުކުރަން ޕްރިމިއާ ލީގުގެ ހުރިހާ ކުޅުންތެރިންނަށް ވަނީ ނަސޭހަތްތެރި ވެފައެވެ.

އެކަމަކު މިދިޔަ ހަފުތާ ބަންދުގައި ފޮޑެން އޭނާގެ އާއިލާ ކައިރިއަށް ޒިޔާރަތްކުރިއިރު، އަތިރިމަތީގައި ފޮޑެން އާންމު ރައްޔިތުންތަކަކާއެކު ބޯޅަ ކުޅެމުންދިޔަ މަންޒަރުތަކެއް ވަނީ ސޯޝަލް މީޑިއާގައި ދައުރުވެފައެވެ. އެހެންކަމުން ސިޓީން ވަނީ ފޮޑެން އަށް ނަސޭހަތްތެރިވާން ނިންމާފައެވެ.

އުމުރުން 20 އަހަރުގެ ފޮޑެން އަށް ނަސޭހަތްތެރިވާން ސިޓީން ނިންމިއިރު، މީގެ ކުރިން އިނގިރޭސިވިލާތުން ކަނޑައަޅާފައިވާ ލޮކްޑައުން ގަވާއިދުތަކާ ދެ ފަހަރެއްގެ މަތިން ޚިލާފުވުމުން އެ ޓީމުގެ ޑިފެންޑަރު ކައިލް ވޯކާ އަށް ފިޔަވަޅު އަޅަން ވަނީ ނިންމާފައެވެ.

އެންމެ ފުރަތަމަ ލޮކްޑައުން ގަވާއިދާ ޚިލާފަށް ވޯކާ ޕާޓީއެއް ބޭއްވި މައްސަލަ ފެންމަތިވިއިރު، މިދިޔަ މެއި މަހުގެ ތެރޭގައި ވޯކާ ވަނީ ލޮކްޑައުން ގަވާއިދުތަކާ ޚިލާފަށް އޭނާގެ އާއިލާ ގާތަށް ޒިޔާރަތް ކޮށްފައެވެ. އެކަމާ ގުޅިގެން ގިނަ ސަޕޯޓަރުން ވޯކާ އަށް ފާޑު ކިޔުމުން، އުމުރުން 29 އަހަރުގެ ވޯކާ ވަނީ ސަޕޯޓަރުންގެ ކިބައިން އެކަމަށް މާފަށް އެދިފައެވެ.

އިނގިރޭސިވިލާތުން ކަނޑައަޅާފައިވާ ގަވާއިދުތަކާ މީގެކުރިން ޚިލާފުވި ކުޅުންތެރިންނާއި ކޯޗުން: