ގަވާއިދާ ޚިލާފުވުމުން ގިބްސް-ވައިޓް އަށް ވުލްވްސް އިން ފިޔަވަޅު އަޅަނީ

ކޮރޯނާވައިރަސް (ކޮވިޑް-19) އާ ގުޅިގެން އިނގިރޭސިވިލާތުން ކަނޑައަޅާފައިވާ ލޮކްޑައުން ގަވާއިދުތަކާ ޚިލާފުވުމުން މިޑްފީލްޑަރު މޯގަން ގިބްސް-ވައިޓް އަށް ފިޔަވަޅު އަޅަން ވުލްވްސް އިން ނިންމައިފި އެވެ.

މިދިޔަ ހަފުތާގައި ގިބްސް-ވައިޓް ވަނީ ލަންޑަނުގައި އޮތް ޕާޓީއެއްގައި ބައިވެރިވެފައެވެ. ސްނެޕްޗެޓް ގައި ދައުރުވި ވީޑީއޯއެއްގައި ގިބްސް-ވައިޓް އޭނާގެ ރައްޓެހިންތަކަކާއެކު ޕާޓީގައި ހަރަކާތްތެރިވާ މަންޒަރު ވަނީ ފެނިފައެވެ.

އިންގްލެންޑުގެ 21 އަހަރުން ދަށުގެ ގައުމީ ޓީމަށްވެސް ކުޅެމުން އަންނަ ގިބްސް-ވައިޓްގެ މައްސަލަ ވުލްވްސް އިން ބަލަމުން އަންނައިރު، އެ ކްލަބުން ބުނީ މިއީ އެޓީމުގ ކުޅުންތެރިއެއްގެ ފަރާތުން ފެނިގެންވާނެ އަމަލެއް ނޫން ކަމަށާއި، އޭނާއަށް ފިޔަވަޅު އަޅާނެ ކަމަށެވެ.

ކޮވިޑް-19 އާ ގުޅިގެން އިނގިރޭސި ޕްރިމިއާ ލީގު މެދުކަނޑާލާފައިވާއިރު، މީގެ ކުރިން ޕްރިމިއާ ލީގުގެ ގިނަ ކުޅުންތެރިންތަކެއްގެ ފަރާތުން ވަނީ ގަވާއިދުތަކާ ޚިލާފު އަމަލުތައް ފެނިފައެވެ.

އިނގިރޭސިވިލާތުން ކަނޑައަޅާފައިވާ ގަވާއިދުތަކާ ޚިލާފުވި ކުޅުންތެރިންނާއި ކޯޗުން: