އައިބް ގަވާއިދާ ޚީލާފުވީ ބޯކޮށަން އޭނާގެ ސްޓައިލިސްޓާ ބައްދަލުކުރުމުން
ބޯންމަތުގެ މިޑްފީލްޑަރު ޖޯޑަން އައިބް: އައިބްގެ މައްސަލަ ބޯންމަތުން އަންނަނީ ބަލަމުން
ކޮރޯނާވައިރަސް (ކޮވިޑް-19) އާ ގުޅިގެން އިނގިރޭސިވިލާތުން ކަނޑައަޅާފައިވާ ލޮކްޑައުން ގަވާއިދުތަކާ ޚިލާފުވުމުން ބޯންމަތުގެ މިޑްފީލްޑަރު ޖޯޑަން އައިބަށް ފިޔަވަޅު އަޅަން އެ ކްލަބުން ނިންމައިފި އެވެ.
ކޮވިޑް-19 އާ ގުޅިގެން އިނގިރޭސިވިލާތުން ވަނީ ޖުލައި މަހުގެ ހަތަރުވަނަ ދުވަހުގެ ކުރިން ބޯކޮށާ ތަންތަން ހުޅުވުން މަނާ ކޮށްފައެވެ. އަދި ސްޓައިލިސްޓުން މީހުންގެ ގޭގެއަށް ޒިޔާރަތް ކުރުންވެސް ވަނީ މަނާކޮށްފައެވެ.
އެކަމަކު ޖޯޑަން އައިބް ވަނީ އޭނާގެ ސްޓައިލިސްޓާ ބައްދަލުކޮށް ބޯކޮށާފައެވެ. އަދި ބޯކޮށުމަށްފަހު ސްޓައިލިސްޓާއެކު ނަގާފައިވާ ފޮޓޯއެއް އައިބް ވަނީ އިންސްޓާގްރާމްގައި ހިއްސާ ކޮށްފައެވެ. އެކަމަކު ފަހުން އޭނާ ވަނީ އެ ފޮޓޯ ޑިލީޓް ކޮށްފައެވެ.
އެ އާއެކު ބޯންމަތުން ވަނީ އައިބް ގަވާއިދާ ޚިލާފުވި މައްސަލަ ބަލަން ފަށާފައެވެ. އެ ކްލަބުން ބުނީ އައިބްގެ މައްސަލަ ބަލަމުން އަންނަ ކަމަށާއި، ގަވާއިދާ ޚިލާފުވުމުން އޭނާ އަށް ފިޔަވަޅު އަޅާނެ ކަމަށެވެ.
އައިބްގެ މައްސަލަ ބޯންމަތުން ބަލަމުން އަންނައިރު، އެ ކްލަބުން ފެށި ތަމްރީނުތަކުގައި އޭނާ ބައިވެރިވެފައެއް ނުވެއެވެ. މިދިޔަ އަންގާރަ ދުވަހު ޕްރިމިއާ ލީގުގެ ކްލަބުތަކުން ވަނީ ކުދި ގްރޫޕްތައް ހިމެނޭ ގޮތަށް ފަރިތަކުރުންތައް ފަށާފައެވެ.
އިނގިރޭސިވިލާތުން ކަނޑައަޅާފައިވާ ގަވާއިދުތަކާ މީގެކުރިން ޚިލާފުވި ކުޅުންތެރިންނާއި ކޯޗުން:
