ޖަޕާންގެ ވެރިރަށް ޓޯކިއޯ އާއި އިތުރު ސަރަހައްދުތަކެއް ހުޅުވާލައިފި

ޖަޕާނުގެ ވެރިރަށް ޓޯކިއޯ އާއި އެގައުމުގެ އިތުރު ސަރަހައްދުތަކެއްގައި އިއުލާންކޮށްފައިވާ ކުއްލި ނުރައްކަލުގެ ހާލަތު އުވާލައިފިއެވެ.

ޖަޕާންގެ ޕްރައިމް މިނިސްޓަރ ޝިންޒޯ އަބޭ މިކަން އިއުލާން ކުރައްވާފައި ވަނީ ހޯމަ ދުވަހުއެވެ.

ހޯމަ ދުވަހު ކުއްލި ނުރައްކަލުގެ ހާލަތު އުވާލާފައި ވަނީ ޓޯކިއޯގެ އިތުރުން ކަނަގާވާ، ޗީބާ، ސައިތާމާ އެންމެ އުތުރުން ހޮއްކައިޑޫގެއެވެ. އަދި އެ ސަރަހައްދުތަކުގެ ވިޔަފާރިތައްވެސް ވަނީ ހުޅުވާލާފައެވެ.

ސިއްޚީ މާހިރުންގެ އިރުޝާދުގެ ދަށުން ދަށުން ކޮވިޑް-19 ގެ ނުރައްކާ ކުޑަ އެހެން ސަރަހައްދުތަކެއް ވަނީ މީގެ ކުރިން ހުޅުވާލާފައެވެ.

ޖަޕާނުން މިހާތަނަށް ވަނީ 16،600 މީހުން ކޮވިޑޮ-19 އަށް ޕޮޒިޓިވް ވެފައެވެ. އަދި މި ވައިރަސްގެ ސަބަބުން 850 މީހުން ވަނީ މަރުވެފައެވެ.

ޖަޕާންގެ ޕްރައިމް މިނިސްޓަރ ޝިންޒޯ އަބޭ ވިދާޅުވީ އަމުރު އުވާލިޔަސް އޭގެ މާނައަކީ ޖަޕާން ކޮވިޑް-19 އިން ސަލާމާތްވީ ނޫން ކަމަށާއި ވެކްސިންއެއް ލިބި އިޤްތިސާދު ހަމައަކަށް އެޅެންދެން ރައްކައުތެރިކަމުގެ ފިޔަވަޅުތައް ދަމަހައްޓާނެ ކަމަށެވެ.

ޖަޕާނަކީ ދުނިޔޭގެ ތިންވަނައަށް އެންމެ ބޮޑު އިޤްސާދަށްވާއިރު ކޮވިޑް އާއި ގުޅިގެން ޖަޕާނުގެ އިޤްތިސާދަށް ވަނީ ފޫނުބެއްދޭވަރުގެ ބޮޑެތި ގެެއްލުންތްކެއް ލިބިފައެވެ.

މިކަމާއި ގުޅިގެން އިޤްތިސާދު ހަމައަކަށް އެޅުވުމަށްޓަކައި ވަނީ ސްޓިމިއުލަސް ޕެކޭޖެއް ތައާރަފް ކޮށްފައެވެ.

ކޮވިޑް-19 ގެ ނުރައްކައު ބޮޑުވެގެން ޖަޕާނުގައި ކުއްލި ހާލަތު އިއުލާންކުރީ އެޕްރީލް މަހުގެ 7 ވަނަ ދުވަހު އެވެ.