ތައިލެންޑްގައި ހުންނަ ރާއްޖޭގެ އެމްބަސީގެ ފަރާތުން އޭޝިއާ ޕެސިފިކް ފޯރަމް އޮން ސަސްޓެއިނަބަލް ޑިވެލޮޕްމެންޓްގައި ބައިވެރިވެއްޖެ އެވެ.
ބުދަ ދުވަހު ބޭއްވިގެން ދިޔައީ 7 ވަނަ އޭޝިއާ ޕެސިފިކް ފޯރަމެވެ.
ވަރޗުއަލްކޮށް ބޭއްވި މިފޯރަމުގައި ސަރަހައްދީ ގައުމުތައް ބައިވެރިވެގެން ސަސްޓެއިނަބަލް ޑިވެލޮޕްމެންޓް ގޯލްސްތަކާ ބެހޭ ގޮތުން މަޝްވަރާކުރި އެވެ. އަދި ލަނޑުދަނޑިތައް ހާސިލު ކުރުމަށް ކަނޑައަޅާފައިވާ އެޖެންޑާގެ ތެރެއިން މަސައްކަތްކޮށް ވީހާ ވެސް އަވަހަށް މިކަންކަން ހާސިލު ކުރުމާ ބެހޭ ގޮތުން މަޝްވަރާ ކޮށްފައި ވެއެވެ.
އެގޮތުން މިހާރު ފާހަގަކުރެވިފައިވާ މައްސަލަތަކާ ބެހޭ ގޮތުން މަޝްވަރާކޮށް، ފިޔަވަޅު ނަގާ ހައްލުކޮށް އިތުރަށް ކުރިއަށް ދިއުމާ ބެހޭ ގޮތުން ވަނީ މަޝްވަރާ ކޮށްފައެވެ.
ސަސްޓެއިނަބަލް ޑިވެލޮޕްމެންޓް ގޯލްސް ކާމިޔާބު ކުރުމަށް މަޝްވަރާތައް މުހިންމުކަމާއި، ގައުމުތަކުން އެއްބާރުލުން ދިނުމަށް އެދިފައި ވެއެވެ.
