ރައީސުލްޖުމްހޫރިއްޔާ މިރޭ ޤައުމާ މުހާތަބު ކުރައްވަނީ
ރައީސުލްޖުމްހޫރިއްޔާ މިރޭ ޤައުމާ މުހާތަބުކުރައްވާނީ 21:00 ގައި
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް، މިރޭ ޤައުމާ މުހާތަބުކުރައްވާނެކަމަށް ރައީސް އޮފީހުގެ ތަރުޖަމާން އިބްރާހިމް ހޫދު ވިދާޅުވެއްޖެ އެވެ.
ހޫދު ކުރެއްވި ޓުވީޓެއްގައި ވިދާޅުވީ ރައީސުލްޖުމްހޫރިއްޔާ މިރޭ ޤައުމާ މުހާތަބުކުރައްވާނީ 21:00 ގައި ކަމަށެވެ. ނަމަވެސް ޤައުމާ މުހާތަބަކުރައްވާ ސަބަބެއް ހޫދު ހާމަކުރައްވާފަ އެވެ.
ކޮވިޑް-19 ގެ ބަލިމަޑުކަމާއި ގުޅިގެން ރައީސުލްޖުމްހޫރިއްޔާ ވަނީ އެކި ފަހަރުމަތިން ޤައުމާ މުހާތަބުކުރައްވާ ސަރުކާރުން އަޅުއްވަމުންގެންދަވާ ފިޔަވަޅުތަކުގެ މައުލޫމާތު ހިއްސާކުރައްވާފަ އެވެ. އެގޮތުން ސަރުކާރުން އަމަލުކުރާނެ ސިޔާސަތުތަކާއި، އިޤްތިިސާދީ ގޮންޖެހުންތަކުން އަރައިގަތުމަށް ގެންގުޅޭނެ ސިޔާސަތުތައް އެމަނިކުފާނު ހާމަކުރައްވާފައިވެއެވެ.
ރައީސް ސޯލިހް ޤައުމާ މުހާތަބުކުރައްވާއިރު ނިއު ނޯމަލްގައި އަމަލުކުރާނެ އުސޫލުތައް އެކުލަވާލުމުގެ މަސައްކަތް ސަރުކާރުގެެ އިދާރާތަކުންނާއި، އެޗްޕީއޭއިން އަންނަނީ ކުރައްވަމުންނެވެ. އަދި ލޮކްޑައުންއަށް ލުޔެއް ދިނުމުގެ ވާހަކަތައްވެސް އަންނަނީ ދައްކަވަމުންނެވެ.
