ދުވާފަރުގެ މަގުހެދުމުގެ މަޝްރޫއުގެ %54 މަސައްކަތް ނިމިއްޖެ
20 މެއި 2020 | ބުދަ 11:32މަސައްކަތް ނުހުއްޓި ކުރިއަށްދޭ
ދުވާފަރުގެ މަގު ހެދުމުގެ މަޝްރޫއުގެ ތެރެއިން
ރ. ދުވާފަރުގެ މަގުތައް ހެދުމުގެ މަޝްރޫޢުގެ %54 މަސައްކަތް ނިމިއްޖެއެވެ.
މި މަސައްކަތް ކުރިއަށްދާ ގޮތާ ބެހޭ ގޮތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ)ން ބުނީ ދުވާފަރު މަގުތައް ހެދުމުގެ މަޝްރޫޢުގެ މަސައްކަތް ނުހުއްޓި ކުރިއަށްދާ ކަމަށާއި، މިހާރު %54 މަސައްކަތް ނިމިފައިވާ ކަމަށެވެ.
މި މަޝްރޫޢުގެ ދަށުން ޤާއިމު ކުރާ ފެން ހިންދާ ނިޒާުމަކީ ރަށުގެ ވަށައިގެންވާ މޫދަށް ފެން ބޭރު ކުރުމުގެ ބަދަލުގައި ރަށުގެ ސާފު ފެން ފަށަލައާ ހަމަޔަށް ފެން ޕަންޕު ކޮށްދޭ ނިޒާމެއްކަން އެމްޓީސީސީން ބުނެއެވެ.
ދުވާފަރުގެ ބޮޑެތި ހުރިހާ މަގެއްގައި ތާރުއެޅުގެ މަސައްކަތް ކުރުމަށް އެމްޓީސީސީއާއި ޙަވާލުކުރީ 2019 ވަނަ އަހަރުގެ މެއި މަހުގެ 22 ވަނަ ދުވަހު އެވެ.
މި މަޝްރޫޢަށް 28.2 މިލިއަން ރުފިޔާ ޚަރަދުވާއިރު، މި މަސައްކަތް 240 ދުވަހުގެ ތެރޭގައި ނިންމަން ޖެހެއެވެ.
ކޮވިޑް-19އާ ގުޅިގެން ގިނަ މަސައްކަތްތައް ހުއްޓިފައިވީ ނަމަވެސް ރާއްޖޭގެ ތަރައްޤީއަށް ސަރުކާރުން ހިންގަމުންދާ އެއްވެސް މަޝްރޫޢައް ހުއްޓުމެއް ނެތި ކުރިއަށްދާނެކަން ސަރުކާރުން ހާމަކުރެއެވެ.
